Ni 17 June 2010, Nilaithawhtanni - Zo Re-Unification Organisation (ZORO) chuan Mizo hnahthlak hnam hrang hrangte inzawmna tha zawk a awm theih nan Zo Inpui (Apex body of the Mizos ) din an tum chu chak takin an kalpui mek thu leh ni 9 August 2010 khian Mizoram Larsap, MM Lakhera chuan he Zo Inpui ( Apex body of the Mizos) hi a hawn dawn, thu a sawi.
ZORO president R.Thangmawia leh hruaitu dangte hian vawiin khan thuthar lakhawmtute kawmin, ni 13 September 2007-a ‘UN Declaration on the Rights of Indigenous Peoples’ pass a nih thu leh khawvel puma tualto hnam, mi maktaduai 370 velte chu he ‘Declaration’ ang hian hnam anga pawm an nih tawh thu an sawi bawk.
ZORO hmalakna chu Mizoram-a Political Party hrang hrangte pawhin tha taka tawiawmin,party tin atangin ZORO-ah an party aiawh tur mi pathum theuh inruatin thawhhona a kal mek thu an sawi a. Ram leh hnam tundinna kawnga lungrual taka ke pen pui atan Zofa zawng zawng an sawm bawk.
Thulakna: India Report , The Zozam Times