World No Tobacco Day – 31 May ni khat (darkar 24) chhung tal hi chu vaihlo leh vaihlo atang siam ruihhlo hrang hrang atanga inthiarfihlim a, insum hram hram turin ngen i ni.
Kum 1987 khan WHO (World Health Organization) chuan World No Tobacco Day atan ni 31 May (WNTD) hi ruahmanin a lo hmang tan a, chu chu World No Tobacco Day lo pianchhuahna a ni.Hemi ni, ni khat (darkar 24) chhung hi chu vaihlo leh vaihlo atanga siam ruihhlo chi hrang hrang lak atanga inthiarfihlim a,insum hram hram turin khawvel mi zawng zawngte hnenah ngen a ni.
Kumtin mi maktaduai 5 vel hi vaihlo atanga siam ruihhlo vangin an thi niin WHO chuan a chhut a, mi maktaduai 5 zinga mi maktaduai 1.5 chu hmeichhiate an ni.Tin, kum 2030 atang phei chuan kumtin mi maktaduai 8 vel an thi dawn nia chhut a ni.Hetiang khawpa vaihlo leh vaihlo atanga siam ruihhlo hian khawvel mihringte a suat nasat avang hian, WHO leh pawl hrang hrangte chuan vaihlo nghawng tha lo lak atanga mihringte kan fihlim theih nan hma an la reng.
Kumtinin he World No Tobacco Day ni ah hian thupui hrang hrang neih thin a ni a.Kumin thupui a tan “Vaihlo laka Hmeichhia-te venhim (Gender and tobacco with an emphasis on marketing to women)” tih a ni.
Website rawnte:-
https://www.fijivillage.com/?mod=story&id=280510e337a087d6603bec35e19b6c
https://en.wikipedia.org/wiki/World_No_Tobacco_Day
https://www.who.int/tobacco/wntd/2010/announcement/en/index.html