Mizo ziakmi zinga mipui ngainat, midang thlir dan lo deuh, a pang leh lam aţanga chhuia awmze nei ţha taka hnam leh khawtlang siamţhatna lam hawi ziaktu, Zoram mipuite hlut em em Lengzem chanchinbu neitu leh editor, joint owner of the Mizo television network Zonet – Vanneihtluanga leh Malaysia Mizote chu ni 27 December 2010, Thawhlehni zan hian KLBC, Kuala Lumpur-ah an inkawmho dawn.
Singapore leh Malaysia fang tur(23-29/12/10 ) Vanneihtluanga te nupa leh an thian 3-te hian Singapore leh Malaysia-a cheng Mizote nun leh khawsak an hre chak hle a, chu chu hrerengin Mizo Christian Fellowship, Malaysia chuan he inpawlhona hi a buatsaih ta a ni. He inkawmhona-ah hian tel ve awm nia inngai apiang tel tura sawm an ni a, hemi ni tlai hian Bukit Bintang Mizo Quarter-ah Vanneihtluanga te thianza hi chawhlui an kilpui nghal dawn a ni. Amah Vanneihtluanga chuan he Malaysia an cham chhung hian anmahni lam aia Malaysia Mizote lam chanchin a tam thei ang bera hriat leh chhinchhiah chu Mizoram tan a hlu dawn nia a hriat thu a sawi.
Hetianga Mizo mi chhuanawm pakhatin Malaysia a tlawh tur leh chawhlui kilho leh inkawmhona neih theih a ni tur hi Mizo Christian Fellowship, Malaysia chuan lawmawm a tiin, Mizo kalsiam kawngah hmasawnna engemaw tak a hrinchhuah a beisei bawk.
Malaysia Mizo tlangval pakhat chuan, “A lehkha ziak leh a chanchinte kan lo chhiar thin tawh mah tih nak alai a, amah ngei kan han hmu a, inpawlhona kan han nei thei tur chu a lawmawm a ni,” tiin Zotui Thiang a hrilh.
Vanneihtluanga'n Malaysia a tlawh tum hi remchangah la-in, Chhaktiang Zofa Zirlaite chuan Interview-na lo neih ngei an tum bawk.
Date | 17/02/2013 |
By | masiama |
Subject | a va mak ve... |
lengzem.com ah hian ka lut thin a mahse ka thiamloh vang nge thlakip chhuak hi ka chhiar theilo tlat zel..