Vanduai Vannei
Pa pakhat hi Bar-ah thuin a Beer no in tur, a bula a dah chu a en vang vang a. Inngaihtuah mûk taka a thut lai chuan thawkleh khatah tlangval thawveng tak mai hi rawn lutin a Beer chu a rawn in zawh sak ta vek mai a, "I dam maw? " tiin, hlau lo tih hriat tak hian zawhna a la zawt khâng khâng a.
Ani chuan, "Min zawt duh suh, vawiin hi ka dam chhung ni zawng zawnga ni vanduai ber a la nih hi," tiin Beer neitupa zawk chuan muang chherh chhawrh hian, "Ka hna atangin min ban a, Office atanga ka chhuak chu motor Parking-ah kal nghalin ka Car a luh mai ka tum a, mahse, ka Car chu rûkruin an lo ru daih mai hi a lo ni a, Police-ah ka report nghal a, mahse anni chuan, ‘Fimkhur tur a lawm’ min lo tih liam san mai a, Taxi lain In lamah ka haw ta hna hna a.
"In ka thleng chu ka nupui leh kan Huanpu an lo mu dun ka phâwk zui a, hei ha, 'he khawvelah hian damchhan ka nei tawh lo a nih hi ' tiin Beer a tûr telh a, zawi zawia intihhlum riai riai ka tum ta a, mahse, chu pawh chu a lo theih leh loh leh zel a, chu ka Beer no, ka tûr telhna chu ka in hmain nangin min inkhalh leh ta zel si a," tiin a chhâng a.
"Kei zawng, Thihna pawh hian min mamawh lo a nih hi," tiin a Beer in sak tupa chu Vanram kai ngei tura a duhsak thu a hlan ta tawp mai an tia lawm!!
Comments
| Date | 24/11/2010 |
| By | Mapuia Hnamte |
| Subject | E he! |
A va han vanduai awm rem rem ve....... paraphrasetic zawk nge???
