Bungthuam khuaa tualthihna kaihhnawiha Tuikuk tlan chhia, Tripura-a Khakchangpara leh Joysri camp-a awmte chu Tripura North district DC motor ruahmanin nimin khan Mizoramah rawn phurh let an ni.
Nimina Tuikuk lak lette hi Kanhmunah Administrative Officer leh police-te'n an lo dawngsawng a. An zinga a tam ber, chhungkaw 21 chuan an khaw hlui, New Eden an thleng a; chhungkaw 13-in Kolalian, chhungkaw 9-in Bunghmun an thleng a, chhungkaw pahnihin Damdiai an thleng bawk.
Mamit SP, Dingluaia chuan, Tuikukte hi venhimna tha tak pek an ni a, tluang takin an kalna tur an thleng thei tih a sawi. Tuikuk lâk lêt hna hi naktukah chhunzawm leh tum a ni a, Kaiskau leh Hamsaparra camp-a mite an ni a, hemi ni hian zawh nghal tum a ni.
Thulakna: Vanglaini