Tahan Mizo Chapchar Kut (30-31 March 2011 - A Hun A Thleng Dawn Ta)

23/03/2011 20:04

- Khumbeua

A thleng dawn ta e, kan nghahfak mizote kutpui Chapchar Kut chu. Rorel pawlin ro an rel a, chanvo insemin mahni hna tur theuh chu phur takin an thawk sang sang hlawm a. Mizo khua zawng zawng chu kim taka tel ngei tur a ni. Tin, Mizo hnamzia lam leh thil dangte thawh chhuahpui theuh tura beisei an nih laiin khaw thenkhatin an neih theih ve dawn loh avang erawh chuan a pawi hle mai. Mahse tumah inthlahrung lovin hei bak hi chu mizo hnam huapa inkhawmpui ropui kan nei lo a ni tih hriain tel i tum theuh ang u.

Kut hmang mipui kal khawmte chu zai thiam mi sawmhnih rualin zaiin chhun zanin min awi ang a, a kar lakah mizo nula hmeltha leh pian nalh thlan chhuah mi sawm leh paliin mit chaw min hlui bawk dawn a ni.

Mizo nih manah mizo hnam lam chi hrang hrang en tur a awm bawk anga, a ropui ber tura ngaih, mizote lo changkan chhoh zel dan Cultural show 'D' Group, Tahan-in an nei dawn a ni. Thlalakpui duh te kan awm a nih chuan tun atangin lo inbuatsaih turin ka han ngensa che u a ni. Tin, pawn lamah mizo hnam hmanrua ( bungrua) chi hrang hrang pho chuah a ni bawk ang.

Lam tur khua leh an lam turte heti ang hi a ni ang;

1. Tahan A Group : Kan zotlangram nuam

2. Tahan B Group : Zo tlang sang

3. Tahan C Group : Zawl khaw sir

4. Tahan D Group : Cheraw kan

5. Tahan E Group : Aw khawvel puan ang

6. Tahan F Group : Khual lam

7. Tahan G Group : Cheraw kan

8. Jehova Jire Children Home : Cheraw kan leh Chheih lam

9. Varpui : Kan zo tlangram nuam

10. Letpanchaung : Khuangchawi leh Kawlngo lam

11. Tamu : Chheih lam