Sazu Lung(Heart) Chu A Chawr/Piang Leh Thei
United States Scientist-te chuan mihring ha thlawn hnu-a ha dang lo to leh anga sazu lung (mouse heart) chu chawr/piang leh thei a ni tih an hmuchhuak.
'Amphibians’ an tih, tui leh khawmuala cheng tawn thei rannung leh sangha lung chu chawr/piang leh thei a nih thu Scientist-te chuan an finfiah tawh ngai a. Tun tum hi ‘Mammals’ an tih, hnute tui pe chi ran leh ramsa zinga lung chawr/piang leh an zirchhuah vawi khatna a ni.
University of Texas Southwestern Medical Center chuan saza a pian atanga ni khatnaah, a lung an la(zai) a, ni 21 chhungin chu sazu lung chu a lo chawr/piang leh hman a ni tih an finfiah. Chu sazu thisen leh taksa peng hrang hrang chuan hna pangngai takin a thawh tho thu leh dam hrisel pangngai takin a awm thu, zirchiangtute chuan an tarlang tel bawk.
Sazu dang chu a pian atanga kar khat hnu-ah (ni 7-a upa sazu), mi thiamte chuan zirchiangin a lung a la(zai) a, nimahsela, a lung chu a chawr/piang leh thei tawh lo a ni. Chu chuan sazu lung chawr/pian leh theih hun tawizia a tarlang niin an sawi.
He an thil hmuhchhuah atang hian mihring lung lam zirna leh enkawlnaah hmasawnna leh tangkaina an hmuh theih, mi thiamte chuan an beisei.
Kimchang zawkin hetah: - https://www.bbc.co.uk/news/health-12573922
