Vawiin khan New Delhi, Samrat Hotel-ah Ramngaw humhalh tha leh ramngaw nei tha state thlanchhuah Mizoram chuan lawmman cheng nuai 5, Scroll leh Citation a dawng.
He lawmman ‘Indira Priya Darshini Vrik Samitral’ (Ramngaw humhalh tha leh ramngaw nei tha) atan hian India ram hi hmun hnihah thenin, ram zau zawng 80,000 Sq. Km aia zauvah Jammu & Kashmir State chu lawmman pakhatna pek an ni a. 80,000 Sq. Km aia zim ah Mizoram chu lawmman pakhatna pek a ni.
Lawmman hi Central Sorkar, Ministry of Forest, Director General chuan Mizoram Sorkar Principal Chief Conservator of Forest (PCCF) Dr. S.S. Garbyal leh Pu Lalthangliana Murray, Conservator of Forest te hnenah a hlan a ni. Mizoram-in hetiang lawmman a dawng hi lawmpuitu state dang atangin an tam hle.
Thulakna: DIPR