Nimin khan MHIP Sub Hqrs Lunglei buatsaihin Pawngsual Dona Seminar Saikuti Hall ah neih a ni. Seminar inkhawm hi Pi Zosangi MHIP Sub Hqrs President in a kaihruaia, MHIP General Hqrs President Pi Lalthlamuani chuan thu sawiin, pawngsual dona kawngah hian MHIP te chauh ni lovin, kan zavaia kan tan tlan angai a ni a ti a, chhungkaw kan in enkawlna kawngah pawh kan fimkhur a tul a ni ti bawkin a pawimawh berah chuan Pathian kan auh nasat angai a ni a ti. He hunah hian, Lunglei S.P Pu Lallianmawia, Dr.VLMS Dawnga, Pu Vanlalmawia Dist & Session Judge te bakah Pu P.Lalhmangaihzuala President YMA Sub Hqrs leh Pi Lalhmangaihzuali Treasurer MHIP Sub Hqrs ten thu an sawi bawka kalkhawm ten sawihona hun an hmang bawk a ni.
Copyright@ Vulmawi Daily