Pawngsual an dem. Hnamdang pawn chhuak lo turin an ti

Dt. 20 April 2010 zan dar 9:00 leh dar 10:00 inkara Mizo Zirlai naupang pawi sawilo Khatla veng a mi a Laxman Ravi Das an a pawngsual chungchanga vawiin dt.21 April 2010- a MHIP Headquarters Office- a MZP, MSU, CYMA, MHIP, PAMRA leh JACIT aiawha kalkhawmte chuan hetiang hian lungrual takin thu an rel :-

1) He pawngsualna hi na takin kan dem a, Mizoram chhungah hetiang hi thleng nawn tawhlo se kan ti.

2) Pawngsualtu Laxman Ravi Das hi ILP neilo a hun rei tak khawsa leh Pheikhawk siama sumdawng anih avangin hetianga zalen taka phalna neilova khawsa theia a awm hi venhimna hnathawktute hlawhchhamna ah kan ngaia, hun lo kal zel turah inenfiahnan hmang se kan duh.

3) Pawngsual tawktu hi Medical Exam- anih tawh laiin Ni. 20 April 2010- zan dar.12:00 vela man tawh pawngsualtu Laxman Ravi Das-a hi vawiin chawhnu dar. 1:30 vel a Central Jail- a thawn thlak a nih laiin, a ni hi Medical Exam leh Personal Statement- tih ala ni lo hi venhimna hna thawktute inthlahdah vangah kan ngai tlat a, inenfiahnan hmang se kan duh.

4) He thil thleng den chhen hian Hnamdang Mizorama khawsa mek te chungah harsatna thleng thei anih avangin tunkar chhung dt.25 April 2010- ral hma chu mahni inchhung lo tawm a, an sahim nan lo chhhuak rihlo turin kan ngen. Tin, ILP neilo leh dan lova sumdawng hnamdangte chu Mizoram atanga thawn chhuak vek turin Mizoram Sorkar kan phut nghal a ni.

Hetihrual hian Dan lova khawsa leh ngenna ngaipawimawhlo chunga thil thalo a thleng anih chuan Mizote’n mawh kan phur lovang.