PAWISA LEM MAN
Hun engemaw chen atang tawh khan Aizawl khawpui chhungah Pawisa lem leng vak a tamin he thila in hnamhnawih pawh hi an tam thawkhat hle nia hriat a ni a. Police Unit hrang hrangte pawhin mi engemaw zat chu manin thubuai siam sak an ni tawh nghe nghe a ni. Tun hnai deuh atang khan Aizawl khawpui chhungah ngei Pawisa lem hi siam a niin thehdarh pawh engemaw zat an nei tawh tih hriat ruk a ni a, he thil hi DSB, Aizawl te’n ngun taka chhuizuiin Pawisa lem chu Aizawl-ah an siam ngei a ni tih hriat chhuah a ni a, thiam taka mi dawr kual in nimin tlai dar 2.30 pm khan he thila in hnamhnawih Rosy Ramdinthari @Rosy R. Ralte (22) d/o Vanlalmawia, Bethlehem Vengthlang kut atangin Pawisa lem Rs. 8,16,500/- hu (Rs.1,000/-Denomination 773 Nos. leh Rs.500/- Denomination 87 Nos.) chu man a ni a, a in puanna atangin Pawisa lem siamna hmanrua chi hrang hrang :-
1)Printer HP - 1 No.
2) UPS -1 No.
3) Computer Monitor - 1 No.
4) CPU - 1 No.
5) Key Board-1 No.
6) HP Ink Jet 22 - 5 Nos
7) HP Ink Jet 21 - 5Nos
8) Colour -1 set
9) Syringe - 31 nos.
te man zui nghal a ni a. Heng pawisa lem siamna Computer leh thildangte neitu pa ber Pu Malsawma Sailo (35) s/o Laltekzauva Sailo (L), Bethlehem Vengthlang chu man nghal a ni. He pawisa lem man chungchang ah hian Aizawl P/S ah thubuai C/no 197 Dt.27.4.10 u/s 489’B’,489 ‘C’, 489 ‘D’ IPC ziah luh nghal a ni.
Thulakna: DIPR
