Pathian Hnathawh Ropui

- lalthanga

Naupang  Vanlalhriatchhunga  hnena  Inlarna  a ni.

Hming        =    Vanlalhriatchhunga ( kum 9 )
Pianni        =    29.3.2001
Pa hming    =    Pu Kapthianga
Nu hming    =    Pi Vanlalnguri ( Fam ) ( Thih ni 6.3.2009 )
Khua        =    Zimpui ( Tedim  bial )

A chanchin hmasa
U nau piangtlang ( 3 ) an ni. A mah hi a lai  a ni. A U a pian hian a Nu leh pa ten fa dang neihleh  beiseiin Pathian hnenah  an dil a, Ran talh meuhin Inkhawmna  an siam. Ti chuan a ni ( Vanlalhriatchhunga ) hi  Pathian  pek liau liau  a ni  an ti hial. Chhia leh tha  a lo hriat ve atangin  Pastor  nih  a duh thu a sawi thin. Lehkha  a thiam thei  khawp mai.A pian hma tang tawhin a nu leh pa te chuan Pathian rawngbawl hna an thawk ( A pa chuan 1992  kum atangin, a Nu chuan 1984  a tang tawh khan ). Kum 5 a lo nih hian  Bethel-ah  tawngtaiin   a kal tawh  thin. Puitling  hnung  a zui thin a, a  mahin  a kal thin bawk. Bethel-a  a kal lai chuan  Pathian hnenah Finna te , Lehkha  thiam theihna te  a dil thin.
 ( A nu thih hnuah )  Hualngo tlang dung, khua 52 velah  chuan tawngtai semin a pa hnung a zui ve thin. ( Chung hun lai chuan Thlarau thianghlim harhna hi tul  a ti ve  thei thin khawp mai.Pathianin  min siam a, min enkawl a,kan mamawh min pe bawk a. A mah a intumchawp thin  a ni … tih hi kal pahin  a sawi ve fo thin..by Pu Thianga )

Salvation Army Orphanage ( Fahrah enkawlna hmun ) ah  an kal
An retheih em avang chuan  Salvation Army Fahrah enkawlna hmun ( 406, Bangyadalah St. Tarmwe ,Yangon ) ah chuan awm ve turin Home Manager Capt. Rampanliana leh Head Quarter  Committee  chuan  duhsakna  a hlan ve a. May 23, 2010  khan an rawn awm tan a.
An lo kal hma deuh hian Lu na ( head age ) hi  a nei zauh zauh  tawh a. SA Orphanage  an rawn tlen chuan  a dam lo ( A Lu na  a chhuak leh ) a.Chuvangin a pa pawh chuan hawnsan mai lovin  a awm chilh rih a. Kar khat lai  a rei hnuah chuan damdawi In ( Shin Pa Gu Clinic )ah an kal a.  Ni 8 lai  a nih hnuah pawh chuan  a sawt chuang loh avangin  Damdawi In ( Western Hospital, Child specialist hnenah ) an mu ta a. Kar 2 chhung  meuh pawhin a natna  an hre thei ta lova. Kar 3 na velah chuan  a hnungzang atangin Ruh thling an la. Hrik 80% vel an hmu a, mahse eng hrik nge tih an hre fiah thei chuang  lo. Kar khat dawn lai rinthu hmangin an enkawl zel rih a, mahse  a sawt chuang lo. A thling chu  an la leh a, a hma aiin hrik an hmu tam leh zual. An enkawlna damdawi  an  thlak a, mahse a zual tawlh tawlh. Doctor te an mang ang. " A natna hi zawi zawiin  a dam mai ang.." tiin an hnem ri ngawt. Damdawi In-ah ni 31 lai  an awm hnuin  an chhuak. An awmna tur hmun ( Orphanage )ah an hawng.An hawng zan chuan a lu na chu hrehawm a tih em avangin a pa ( Pu Thianga ) chuan Salvation Army Officer  Major Parmawii ( Tarmwe  Corps chelhtu ) chu tawngtai turin a ko ta a. Theihtawpa  tawngtaina  an neih hnu chuan a Lu na chu a reh a. A tuk zanah chuan a lo na leh a. Officer  chuan  tawngtaina a neihpui leh a, a reh leh a. A tukleh ( A chhuah atanga tuk thumna ) zingah chuan a Lu na  bakah a pum lamah hian tha pawt natna a lo chhuak leh a, tukpumin( 6:00- 11:00am ) a pawt kawma, a  phu zawk zawk  reng ta a.

Commanding  Officer  Major Lalthanga te nu pa leh  A pa ( Pu Thianga ) te chuan mangang tak leh  ngenngawl takin Pathian hnenah tawngtaiin  an au ta a. Dilna mai ni tawh lovin, Pathian chuan a duhna leh remruatna chu rawn puang tawh mai turin, Mi dang hmangin emaw, a mah hmangin emaw thu sawi tawh mai rawh… tiin an au ta a ni.Home manager Capt. Rampanliana chuan  a rang thei ang berin Hospital  lamah  a kalpui leh ta a.
( Damdawi In luh nawnleh ni 5.7.2010 )

Pathianin thu a sawi tan ta
5.7.10 zan dar 9:30 pm ah chuan a Lu na leh tha pawt chu nasa takin  a lo chhuak leh ta a. ( A mah Chhunga hi  mutna a chanloh avangin damdawi-in  a  Buddish pathian  dahna room-ah  an mut tir  a ni )
Hrehawm ti taka  a tawrh lai chuan :-( A mah  Chhunga  tawngtam  dik tak zelin  kan ziak tawh ang )

Sakawr tawlai lir chu sakawr var ten an rawn hnuk a, Pathian Vantirhkoh -7  leh Isua an rawn chuanga  an lo kal  a.Chu tih lai vek chuan Setana vantirhkoh- 20 vel ( Ama sawi dan a ni ) te chu  an lo kal ve bawk a. Chung Setana hote chu damdawi-In a  buddish pathian  dahna  bawm  atang chuan  an lo chhuak ve  a ni. Ka  taksa chu Pathian vantirhkoh leh setana vantirhkohte chuan an inchuh a, an inpawt vak vak a, Pathian vantirhte chuan min chang a, Isua hian min pawm. Chumi hnuah chuan setana ho leh Pathian vantirhkohte  chu  an la indo zel a, setana te sah ve tumin ka chem. Ka zawng ve a, ( khawiah nge ka chem kha… tia  a au chu damlo a mah enkawltu , a kianga awm Nl.Nutei pawh chuan a hre vek a ni ). Isua chuan  min pawm a, Isua hmel hi  a tha em em a, a var thianghlim si, mi lema  kan lo hmuh ang hian  a hmel chu a awm a, mahse  a hmel a tha em em a ni. A kut thirkhenna ser pawh chiang takin  ka hmu. Khawvel pum leh Yangon khua hi mi entir a, khawvel pum chu a fiah chiah lova, Yangon khawpui hi chiangtakin mi hmuhtir a. Yangon hi  a tenawm lutuk. Kan thlen tirha  ropui  ka tih teh lul nen  a tenawm lutuk a, ek lung kara mihring awm ang a ni. Christian te chuan kawrvar  an ha a,  a dangzawng chu  an  dum vek. Kawrvar  ha zingah pawh chuan  a fai  leh a bal  an awm. Khawvel  pumpui tan tawngtai sak  a ngaih zia hi  ka hmu tel bawk. Isua min pawmlai chuan  a u Nutei'n  ( Riahpuitu , Capt. Rampanliana  fanu  )  min ko min kova   chuvangin  Isua chuan khumah  min muttir leh ta a. ( He tih lai hian  a vengtu leh Doctor te chuan  na  a , buai  emaw  an ti deuh a, chuvangin  Nl.Nutei pawh chuan Chhunga.. Chhunga … tiin  a ko a ni ). Setana  hote chu nasa takin  an inhliam a,  an tlanchhuak ta a. Tin chuan  Isua chuan Tawlailir  chung atang  chuan ro a rel a. Vantirhlohte chu kei mah min enkawl dan tur  a hrilh zel a. A sawi ang chuan an ti zel. Ka lu ( head )  a phel a, ka thluak  te chu  ka hmu ve tho, ka thuak zinga natna thalo  thil dum hlawm an la chhuak a, chu pawh chu ka hmu ve. Ti chuan ka khup an zai leh a, thil dum duk deuh mai hi  an phawrh bawk. ( A khup hi   tun hma pawhin  a na fo tawh thin..  a pa in a sawi ). Isuan chuan   " Tihdam I ni tawh e "   min ti a, Vantirhkohte  pawh chunglamah  an  thlawk chho leh deih. Ti chuan  ka mu hil nghal.

A tuk ( 6.7.10 ) chhun lam
A dam hle  a, khum  atang pawhin  a chhuk a, a kal vel a, a hmuhleh hriatte chu  sawi tur  a ngah em em . "A dang pawh sawitur  a awm teuh a, ka sawi thiam tawh lo…."  a ti a.(  Hei hi chu  awmpuitu Nl.Nutei  sawi  a ni ).In lama  awm, a Pa te chu  damdawi In ah chuan  an lo thlengve ta, thil awmzia te an zawt a, Home Manager  leh  kantu  Officer dangte pawh  an awm nual bawk. A pa  chuan  " Yangon –a  School   kal rih turin lo dil la, lo zawt leh ta  che. Kan thleng tawh tawh si a,  kan tan hawn kawng mamawhte  a harsa si a…."  tiin  thu an chah a.

A ma tawngkam chhuak chiahin ziak leh i la.
Tlai lam 2:00  vel  chuan khumah  ka mut lai, mahse    ka muhil chuanglo  Pathian Vantirhkoh-7  an lo kal leh ta a.  " Pathian rawng  I bawl tawh ang. Damdawi In atang hian I hawng  ang a, tlangramah  Zimpui velah  rawng I bawl ang. Bethel-ah ni tin kal  la, I awm dan tur pawh  kan hrilh zel ang che. Rawngbawlna chu hlau suh, zah pawh zak suh. Zah chu  a ho em mai min ti a. Khawvelah nuam lo  mah u la, Vanah in nuam dawn tho. Tun atangin Pathian duh danin  awm ang che. Tirhna chu I hnial thei lovang…" an ti a, Vanah  an lawnleh deih.
( Hetianga  Vantirhkohte nen an inpawl lai hian  enkawltu Nl.Nutei  pawh a kiangah awmin, Chhunga  thu lo sawivete chu  a hre reng thin. Pathian Vantirhte  lo kal laite chu  Chhunga chuan a lo hmu a,  Vantirhkohte  an lo kalleh ta e… tia  a tawngte pawh  chu Nutei  chuan a hre reng thin. )

Zanlam dar 10:00 pm ( Vantirhkoh te  an lo kal leh a. Chhunga tawngkam chiahin ziak leh ila )
Zan dar 10 ah an lo kal leh a. Pathian lam nge in nih a, setana lam .. ka ti a,  "Isua tirhte  kan ni … "  tiin min chhang. School  kal leh  ka lo dil a, " A theih loh,  I nu leh pa te  ai  I awh ang. School  kaiah  lo buai suh"  min ti a. Hawngkawng man tur  kan nei lo  .. ka ti a,  "  Lalpa'n  a rel ang "  tiin  min chhang leh.  Ka nu  hmuh ka duh  ka ti a,  "I nu chu Vanramah a  awm. In chhungkuaa  in lo kal hunah in hmu ang.. " min ti leh a. " He thupek hi I zawm vek ang. Ka thu I zawm vek chuan  nakinah mi ropuiah  kan sam ang che. Ka thu I zawm loh chuan  I nu angin  kan la ang che. Yangon hi  in chhuahsan vat loh chuan  I natna  hi  a  ai nasain  kan rawn dah leh ang. I natna hi  a hlauhawmna chu khawvel   mite tihdam theih  a ni lo. Kan thupek che hi lo zawm ngei ngei ang che, kan lo kal tawh dawn lo.. "   min ti.

( A nu hi rawngbawlna  tui mi a ni a, nasa taka  vakvel thin a ni a, mahse  mite kohna  hmun  a piangah  a kal thei chiah lo  a ni.  He thu hi    a pasal  Pu Thianga  sawi a ni )

Tichuan Doctor  te chuan  an tihtur eng eng emaw  chu  an  han buatsaih ve zel a, 9.7.2010 ( Friday ) hian  Damdawi In atang chuan an chhuak ta a ni.

Thulakna: Zonun Group