Pathianni kalta April ni 25 chhun dar 11 vel khan Pu Sailianthanga (52) leh Pi Lalnunthari (44) Melbuk te nupa inkarah an fa pathumna ni turin nausen danglam tak alo piang a, he naute hian Kutzungtang 12 dinglam leh vei lamah 6 ve ve, ke zungtang 12 dinglam leh veilamah 6 ve ve a nei a, hetihlai hian Mit leh hanr a nei lova, a chaldar-ah thil chawr awmin a hmawrah bawk lian deuh a awm a, a hnar tur ni awm tak zawnah kua langsar tak a awm bawk.
Thudawnna in a sawi danin he naute hi a nu-in a pai atanga thla 8-na a piang a niin hmeichhia a ni a. A pian atanga reiloteah dam khawchhuak lo tura ngaihtheih angin a awm a, kuangtur an siamah a leng lova; chumi hnuah kuang dang, a hma a mi aia lian an siam leh a, a leng lo leh a, chumi hnuah thingremah an dah ta niin hriat a ni. Thawhtanni thleng kha chuan an la vui liam lo niin thudawn a ni. (A thlalak hi a rapawm deuh avangin kan rawn tarlang tel lo mai... hmuh a nuam vak lo tlat)
Thulakna: www.champhai.net