National AIDS Control Organisation chuan kumin chhunga Mizoram-a HIV/ AIDS darh zel tur venna leh hetiang lam kaihhnawiha hman turin cheng vbc 16 leh nuai 38 a pe.
Kum 2010 chhunga HIV/AIDS darh zel tur venna atana hmalakna tur ruahmanna hi nimin khan Secretariat Conference Hall-ah Mizoram State AIDS Control Society Governing Board chuan an chairman, heatlh minister Lalrinliana Sailo hovin an thlir a. Minister chuan HIV/AIDS chu sorkar leh MSACS te chauhin an do rem chi a nih loh thu te, he natna darh zel tur ven hna hi mi zawng zawngin lungrual taka thawh tlan a tul thu te sawiin, “Kan dolet hneh loh chuan kan hnam tan ralna a tling dawn a ni,” a ti.
Meeting-ah hian MSACS Project Director Dr. Eric Zomawia’n nikum chhunga hmalakna hrang hrangte report a pe a. Kum 2010-2011 chhunga hmalak dan tur hmachhawp leh sum ruahmante pharhin, member ten uluk taka thlirin an pawm nghal a ni.
Kohhran leh tlawmngai pawl zawng zawngte he natna darh zel tur do kawnga tan la tlang turin Board chuan a sawm nghal.
Thulakna: The Zozam Times