MZP-in Tuikuk Hel An Dem
Vawiin Dt. 29/11/2010 dar 10:30 AM hian MZP Executive Meeting chu MZP Pisa Pui-ah neih a ni a, Pu VL Krosshnehzova President chuan meeting hi kaihruaiin, R. Lalrokima Executive Committee Member-in hunserh a hmang a ni.
Meeting-ah hian MZP Sub-Headquarters Saichang, Manipur hawn thar dilna lut chu ngun taka ngaihtuah a nih hnuah pawmsak a ni a. Hun remchangah Pu V.L. Krosshnehzova, President, MZP General Headquarters in a hawng dawn a ni.
Meeting chuan Dt. 26 November, 2010 a Kanhmun khuaa, Mizo pa ramvakte Tuikuk hel te’n sawisa a, an bungraw kente an chhuhsak chu a dem takzet a. Tuikuk zinga misual falte thiltih hian remna leh muanna hnuaia anmahni Tuikuk pui ngeite pawh an awm an duh lohzia a tilang chiang hle ah MZP chuan a ngai a ni. Khawthlang lama Mizote thlamuan leh venghim turin MZP chuan Kamhmun leh a chhehvel khuaah Police dah belh thuai turin Mizoram sorkar a ngen a ni. Tin, Tuikuk hel te’n Mizo pa te hmanrua leh bungrua an laksak hi Ni 30 (Thawhlehni) November, 2010 ral hma ngeia pekir leh turin MZP chuan a phut tlat a ni.
