Mizo Zirlai pawl General Headquaters chuan vawiin chawhnu dar 4 khan Aizawl Press Club ah Chanchinthar Lakhawmtute kawmin Technical Zirtur thlanna result felfailo taka tih chhuah a nih a vangin Higher & Technicals Director Technical Wing enkawltu leh hnathawk te chu senghawi turin an ngena, Minister pawh chawlngam turin an phut.
Mizo Zirlaipawl in chanchinthar lakhawmtute an kawmna hi an President VL Krosshnehzovan a kaihruaia, April 23 a Higher & Technical Department in Result a tih chhuah ah thil fello hmuh tur a awm a vanga Zirlaipawl an nihna anga an lungawiloh thu an sawi a, Engineer Zirtur Medical List a lang te, MBBS Zirtur Engineer List a lang te a awm a vangin pawi an tih thu an sawi a, Kumtina Technical Zirtur thlanna Result felfailo taka tih chhuah a nih thin vangin Minister ah pawh an thlen tawh thu leh Minister Ngeiin kumin ah chuan Result Felfai tak nei thei tura a tiam tawh hnu ah Hetiang thil a thleng leh si chu zahthlak an tih thu an sawi bawk.
MZP chuan hun engemaw chen a tanga tuna higher & Technical hnathawktute kaihhruaina hnuaia Exam chungchang ah buaina a awm fo thin chu chinfel anih theihnan, Higher & Technical Director leh technical Wing a hnathawkte chu Senghawi ngeise tha an tih thu elh Result falfai tak neih lo tiam tawhtu Higher & Technical Minister chu a chanvo tlansan tura an phut thu an sawi bawk.
Thulakna: Vulmawi - Serchhip Times Daily