Myanmar Sorkar Chu Khawvela Lei Hnuai Phumruk Bomb Hmang Awmchhun Ni Tawh-Myanmar, India leh Pakistan-in La Siam Chhuak
25/11/2010 21:10
Ni 24 November 2010: Geneva Switzerland-a hmunpui nei, Khawvel Pum Huap Lei Hnuai Phum Ruk Bomb Tihbo Tum Pawl (ICBL - International Campaign To Ban Landmines )-in kum tin an tihchhuah thin chhinchhiahna lehkha-ah khawvel ram hrang hrang sorkar zingah Myanmar sorkar chu lei hnuai bomb phum ruk chi hmang awmchhun a nih tawh thu tarlan a ni.
Chhinchhiahna-in a tarlan danin Russia sorkarin a hman tawh loh chinah, Myanmar sorkar chu khawvel sorkar hrang hrang zinga lei hnuai phum ruk chi bomb hmang sorkar awmchhun a ni tawh a, Myanmar, India leh Pakistan te chu lei hnuai bomb siam chhuak ram awmchhun an ni tawh a ni. Tin, Myanmar telin hel pawlin lei hnuai phum ruk bomb an hmanna ram 6 a la awm a:- Afghanistan, Colombia, India, Myanmar, Pakistan leh Yemen te an ni.
Kum 2009 chhung khan lei hnuai phum ruk bomb puak vangin mi 3,956 an thi a, hei hi Khawvel Pum Huap Lei Hnuai Phum Ruk Bomb Tihbo Tum Pawl (ICBL - International Campaign To Ban Landmines )-in kum tin chhinchhiahna lehkha an tihchhuah tan kum - kum 1999 atanga kumin thlenga thi leh hliam tlem ber kum a la ni.
Comments
No comments found.
