Myanmar khawpui Yangon thuneitute chuan Myanmar khawpui pawimawh taka boruak chhia tihtlem theih tumin, Yangon khawpui chhungah sarang (plastic bag/polithene bag) hman khawpna dan an tichhuak.
Yangon khawpui chhunga sarang (polythene bag) leh polythene hruai siamchhuah, khawl khawm leh zawrh chu ni 22 April atanga khap a nih thu leh zawm lo an awm chuan dan anga na taka hrem an tih tur thu, sorkar newspaper-the New Light of Myanmar chuan a tarlang.
Mandalay khawpui-in hlawhtling taka sarang hman khapna dan a hman tan atanga kum 2-naah, Yangon khawpui-ah he sarang hman khapna dan hi tihchhuah ve a ni ta a ni.