Ni 22 March 2011 khan Mozilla chuan a internet browser thar Firefox 4 (https://www.mozilla.com/en-US/firefox/new/) chu a tlangzarh a, darkar 24 chhung mi maktaduai 5 (5 millions) chuangin Firefox 4 hi an download!
He thu buatsaih a nih mak lai (23/3/11 - Mizoram sana, zan dar 7:5) hian Firefox 4 download-tu zat hi 6,126,791 a tling tawh a ni!
Internet browser zingah Internet Explorer chu hmangtu ngah ber a ni a, Net Market Share-in February 2011 thlenga browser hrang hrangte dinhmun a tarlan danin, internet hmangtu 56.77%-in Internet Explorer an hmang. 21.74%-in Firefox an hmang. 10.93%-in Google Chrome an hmang. 6.36-in Safari an hmang. 2.15-in Opera an hmang. 2.06-in browser dang an hmang.
Kum 2009 atanga 2011 thlenga internet browser hrang hrang hmangtu zat thlirin, Internet Explorer leh Firefox hmangte zat hi a tla hniam hret hret a, Google Chrome hmangtu zat a pung hret hret. Nimahsela, kumin chhung hian he’ng browser pathumte hian browser changkang thar an tichhuak hlawm a, hei hian hmangtu engzat tak pawt peng zo ang maw? tih hi ngaihtuah tham a ni.