Ni 24 March 2011, Mizoram Assembly inkhawm chuan India Constitution-a “Any Mizo (Lushai)” tia ziakah, Lushai tih chu paiha “Any Mizo” tih ni se, Kuki hnama Gangte hnam dah chu Gangte chu Kuki hnam a nih loh avanga thaichhiat ni se, Lakher leh Pawi tia ziah chu Mara leh Lai tia thlak ni se tia India sawrkar ngenna sawrkar resolution, Home Minister Pu R.Lalzirliana putluh chu rei lo te sawiho a nih hnuah lungrualtakin an pass. Sawihonaah hian Pu Lalduhoma, ZNP chuan he resolution hi thlawp pahin North Eastern Reorganisation Act-a Mizoram chhim lam tih loh, Mizoram hmun dang tribal awmna hmun (tribal area) ni ta lo leh India Constitution-a Mizorama hnam hrang awm ziak chhuahnaah Mizorama hnam awm lo tamtak dahte chu ngaimawhawm a tih thu a sawi a. Mizote chu Scheduled Tribe (tribal) la ni tho si a, mahse, Mizorama district pathum awm laia Chhimtuipui District thin bak tribal area ni ta loa India Constitution-a ziaka awm chu eng emaw tawrhna leh harsatna a thlen hmaa Mizoram pum tribal area a nih leh theihna tur leh Mizorama hnam awm anga an hming constitutiona ziak mah se awm si lote thaibona tura aw neih a pawimawh thu a sawi a. Chutiang atan chuan sawrkar chuan resolution siam se a ti.
House Leader Pu Lal Thanhawla chuan Pu Lalduhoma hi thlawpin resolution tur rawn duang chhuak sela, sawrkar (official) resolution emaw, private member’s resolution emawa house (Assembly) chuan ngaihtuah a, pass turin treasury bench lam chu an inhawn thu a sawi a. Sawihonaah hian Pu R.Lalrinawma, Congress leh Dr.R.Lalthangliana, MNF pawh tel vein resolution chu a thlawp a ni.
Pu Lal Thanhawla chuan Pu Lalduhoma duh dan leh rawtna anga resolution pass a nih hunah chuan sawrkar laipuiah All Party aiawh intirh ni se, Prime Minister leh a changtu central Minister leh UPA an la sawrkar chuan Chairperson pawh hmuh ni se, an kalnaa senso pawh sawrkar chuan a tum huam thu a sawi a. Tichuan house chuan lungrualtakin Home Minister-in official resolution a putluh chu an pass ta a ni.
Thulakna: Mizo Aw
Date | 26/04/2011 |
By | no name |
Subject | lusei tih in thai chhiat chuan |
lusei tih in thai chhiat chuan.in hnam nih na in thai bo der.lusei atangin lushai ah.lushai atang in mizo ah.mizo atangin"any mizo"????khawnge lusei duhlian tawng a tawng te kha ??? hnam chek hnawk tin reng in a chim pil ta mi??tham leh bawlhhlawhna ten tual an leng awi maw apawi emai.an lo ti kha chu ka thiam lo lo e!!!!