Mizoram-ah Hmeichhia-in Hna Thawk Nasa
Mizorama hnathawktu zing-ah 44% chu hmeichhia an ni a, hnathawktu zingah mipa chu 56% an ni.
Economic Survey 2009-2010 in a tarlan dan chuan Mizoram mihring 8,88,573 zinga za zela 52.57% chu hnathawktu (workers) an ni a, chu chu 4,67,159 an ni. Hna nei lo, naupang, tar leh midang, an vaiin mi 4,21,414 an awm bawk.
Khawpui aiin thingtlangah hnathawk an tam zawk a, hna-thawktu 45% chu khawpuia cheng niin, 55% chu thingtlang mi an ni.
Tunhnaia tlangzarh tak Mizoram University professor Lalhriatpuii ziak, 'Economic Participation of Women in Mizoram' tihah chuan Mizorama hnathawktu zingah 43.98% zet chu hmeichhia an nih thu a tarlang a, hetiang taka hmeichhe zingah hnathawktu an tam avang hian ei leh bar (economic)-a hmeichhiate tha -thawh (contribution) chu a nasa hle niin a tarlang bawk a ni.
Economic Survey in a tarlan dan chuan hnathawktu (workers) zingah hian a tam zawk, za zela sawmnga panga (55.97%) te chu loneiha eizawng (cultivator) an ni a, 2.99% chu acricultural labourers niin, hna-thawktu zingah 59% chu kuthnathawh leh a kaihhnawih lam thawktu an ni a, a bak chu sorkar hnathawk, industry leh hmun danga thawkte an ni.
Mithiamte chhut dan chuan kuthnathawhtu mihring hi an tlak hniam hret beisei a ni a, rinlawk dan chuan kumin 2010 hian kuthnathawka eizawng hi 59% atangin 45% vela an tlakhniam theih beisei a ni.
Thulakna: The Zozam Times
Comments
| Date | 30/05/2010 |
| By | Nunui |
| Subject | Mizo Hmeichhiate |
Mizo hmeichhiate work participation sang hi a lawmawm em em a, tunlai a issue lian tak pakhat chu wage hi a ni bawk a, enge helamah te hian intluktlan na te a awm em. Hmeichiate hi enge sectorah nge an tamna deuh te a awm em?
