· Ngaihnawm / Ngaihthlak-nawm :
(a)Ngaihnawm : Ngawi renga chhiar duh zawng tak chhiar hian a ‘ngaihnawm’ tih a ni. ‘He lehkhabu hi chhiar ve teh, ‘ngaihnawm’ tak a ni’ an ti ang. ‘Ngaihnawm’ a nih chuan ri a awm ngai lo.
(aw) Ngaihthlak-nawm : Hei erawh hi chu ‘thlak’ tih a awm avangin ‘ri’ a tel ngei thung. Lehkhabu a ni emaw, thusawi a ni emaw, a ngaiha ngaihthlak a nih chuan ‘ngaihthlak-nawm’ a ni. ‘a ti-ti a ‘ngaihthlak-nawm’ tak tak asin. Eng thu pawh ani chhiar hi chu ‘ngaihthlak-nawm’ bik tak a ni, a chhiar thiam em mai a,’ ti te-in hman a ni.
Ngaimawh / Ngai pawimawh :
(a)Ngaimawh : Ri lam leh min tibuai thei leh min tinuam lotu hi kan ngaimawh thin.
Entir nan:
(a)Mi fiamthu mai mai ‘ngaimawh’ duh suh.
(aw) Ka benga tui lut chu a ‘ngaihmawhawm’ mang e.
(b) Thil ri hlak pawh a ngaimawh zel.
(b) Ngai pawimawh : Thu leh thiltih tul riltu-a riak thil reng reng chu ‘ngai pawimawh’ a ni.
Entir nan:
(a)An mi sawmna kha ka ngaipawimawh viau a nia.
(aw) Kan in sak bak thil dang engmah ka ngaipawimawh lo.
(b) Ka koh zin vei che nen i va han ngaipawimawh lo ve.
(ch) Anni chhung kher kher hi chu mi dang ai chuan ka ngaipawimawh bik a nia.
Date | 25/01/2011 |
By | Mapuia |
Subject | A tha thin hle mai. |
Mizo tawng hi a hman dan hrang hrang hi zir tham tak a ni.