Mizo Kohhran Thalai Kut, Lunglei
Lunglei: Inrinni (ni 27 November ) khan Mizo Kohhran Lunglei chuan Farm Veng Liandala Mini Sports Complex-ah Thalaite Kut an buatsaiha, HPC Vice Chairman Joseph Lalhimpuia chu khuallianah a tang.
Inkhawm hi CT Biak-thansanga Chairman Kut Org. Committee in a kaihruai a, Zirtirtu Lalremtluanga Puithiam in Kut Pathian hnenah a hlan. Kut pa Joseph Lalhimpuia HPC Vice Chairman chuan Kut hi a hawng a, thusawiin, “Missionary Zosap lo kalte kha Kohhran bik Krista hnena hruai tumin an lo kal lo va, a mamawh apiang tan an lo kal a, vawi-ina kan hun hman hian an lo kal chhan kha a tichiang hlein ka hria a, eng Kohhran pawh Kris-tiana siam kha an tum ber a ni,” a ti.
“Zosap lo kalte khan Orginality hi an ngaisang em em a, vawiinah pawh Mizo Kohhranten kan pi leh pute hunlai atanga an tih thin, thalaite intihhlimna K<t an han buatsaih hi a ropui hle a ni, TKP a ka in-hman vang lai khan hetiang Programme buatsaih hi ka rilruah a awm fova, mahse kan tihlawhtling thei ta lo va, ka suangtuahna leh ka ngaihtuahna anga vawiina hetiang hun buatsaih a ni hi a lawmawm hle a ni,” a ti.
“Sawrkar hian tun ai hian Kut chi hrang hrang kan hman thin hi nuam zawk leh zalen zawka kan hman theih nan ngaih-tuahna zau tak seng sela a va nuam dawn em,” a ti.
“Vawiina lo kalkhawm thalaite leh nu leh pa naupangte hian mahni thawhchhuaha intodelh dan te hi ngaihtuahin kan pi leh pute hunlaia an tih dan thate chhawmnungin hma i la zel ang u,” a ti.
K<t an hmanna Lian-dala Sports Complex chu Farm Veng UPC ten an ram Ft.50 vel phal taka an pek avangin lawmthu a sawi bawk.
Khuallian Joseph Lal-himpuia hian Mizo Koh-hran thalaiten K<t an hman senso atan pawisa a pe.
Pipe Band-2nd.Bn. MAP, Khuallam- Leitlang Cultural Troupe leh Mizo Kohhran |halai Pawl, Che-raw kan- Rahsiveng Cultural Troupe, Leitlang Cultural Troupe, Pangpar lam-Naupang pawl, Group zai- Thalai pawl Lunglei Mizo Kohhran, Solakia- Rahsiveng Cultural Tro-upe, Chawnglaizawn-Mi-zo Kohhran Hmeichhe pawl leh Leitlang Cultural Troupe, Chai-Cultural Troupe ten an thiam an entir.
Lunglei Top Artist Bethsy Lalrinsangi, R.Lal-hmangaiha, CR.Lalding-liani, Lucy Laldingngheti, Vuantea, David Lalzawm-liana, Lallawmzuali Ngente, K.Lalthangzela leh Aizawl lam Artist PBK Liankhuma ten kalkhawmte zaiin an awi bawk.
Copyright@ Vulmawi Daily, Lunglei
