Tunlaia pawl thenkhatin a hna chanpual zo lova an puh mek cabinet minister Lalsawta chu a department enkawl mek Taxation department chu laksak a ni a, Land Revenue & Settlement leh Cooperation department enkawltu JH Rothuama’n a chang dawn.
Minister thenkhat portfolio siam-remna hi vawiin khan sorkarin a tichhuak a. Chief minister chan lai Excise & Narcotics department chu JH Rothuama hian a chan belh dawn bawk. Minister Lalsawta hian School Education, Higher & Technical Education, Parliamentary Affairs, Law & Judicial te a la enkawl zui zel ang.
Chief minister Lal Thanhawla pawhin Governor, Legislative Assembly, Finance, Planning, Council of Ministers, SAD, Power, PWD, Planning & Programme Implementation, GAD leh Vigilance te a chang zui zel dawn bawk a ni.
Thulakna: The Zozam Times