MAL Kumchhir Thutkhawm Vawi 46-naah Rev.Dr.Zairema Hnenah Academy Award 2007-2010 Hlan
Vawiin khan I&PR Auditorium-ah Mizo Academy of Letters in Annual Meeting vawi 46-na an hmang a. State Planning Board Member Secretary, Pu P.L. Thanga (IAS Rtd.) chu khuallian a ni.
He Annual Meeting ah hian kum 1979 atanga kum thum dan zel a thu leh hla lama mi hmingtha leh chawimawi phu bik te hnena MAL in a hlan thin Academy Award 2007-2010 chu Rev. Dr. Zairema(L) hnenah an hlan a. He Award hian chawimawina thuziak (citation), tangkapui leh sum fai cheng 10,000 a keng a ni.
Mizo Academy of Letters hi 1964 April ni 23 a din a ni a.Tun dinhmunah member 145 neiin zawmpui peng (Affiliated Club) pasarih a nei mek a. Vawiin inkhawm hi an President Pu Lalthangfala Sailo chuan kaihruaiin an Secretary Prof. Laltluangliana Khiangte chuan an pawl hmalakna leh hmachhawp hrang hrang a tarlang a, Academy Award Committee Secretary leh Treasurer ten report an pe bawk. Chawhnu lamah MAL dan siam rem chungchang te, Golden Jubillee thlirlawkna te leh tul dangte sawihoin hun an hmang zui a ni.
-DIPR
