MIZO MIZONA HUMHALH

ZOTUI THIANG THU LEH HLA / CHANCHIN>Kum 2030-ah Khawvel Mihring Hmun Li-a Then Hmun Khat (25%) Ai Tam- Muslim (Muslim Pun Dan Thlir Lawkna)

Kum 2030-ah Khawvel Mihring Hmun Li-a Then Hmun Khat (25%) Ai Tam- Muslim (Muslim Pun Dan Thlir Lawkna)

28/01/2011 03:21

Kum 20 kal ta (1990) khan khawvelah Muslim maktaduai sang 1.1 (1.1 billion) an awm a, tun atanga kum 20 (2030)-ah chuan khawvela Muslim awmzat hi a letin an pung ang a, mi maktaduai sang 2.2 (2.2 billion) an ni tawh dawn niin ni 27 January 2011 chhuak Pew Forum on Religion & Public Life zirchianna chuan a tarlang.

Kum 2010 khan khawvel mihring zat chu maktaduai sang 6.9 (6.9 billion) vel niin Muslim maktaduai sang 1.6 (1.6 billion) an awm nia chhut a ni a, kum 2030-ah khawvel mihring maktaduai sang 8.3 (8.3 billion) a tling ang. Chutih hunah chuan Muslim maktaduai sang 2.2 (2.2 billion) an tling ang a, khawvel mihring hmun lia thena hmun khat aia tam (26.4%) an ni tawh dawn a ni.

Kum 2030-ah chuan :-

* Pakistan chuan Indonesia chu khumin khawvela Muslim chen tamna ber ram a ni ang.

* Khawvel ram 79-ah Muslim maktaduai tel an awm tawh ang – tunah hian ram 72-ah an awm tawh.

* Muslim tam zawk (60%) chu Asia-Pacific region ah an la khawsa ang a, 20% chu Middle East leh South Africa ah an khawsan ang. America leh Europe khawmualah Muslim chu a tlem pawl an la ni reng tho dawn a, mahse, pung nasa tur tak a ni tho.

* Israel-a cheng mihring hmun lia then hmun khat (25%) vel chu Muslim an ni tawh ang.

* United States-ah Muslim maktaduai 6.2 (6.2 million) an awm tawh ang – tunah hian maktaduai 2.6 (2.6 million) an awm. Chutih hunah chuan Europe ram tam takte aiin America-in Muslim a kawl tam dawn a ni.

* Europe khawmuala cheng zaah 8 (8%) chu Muslim an ni tawh ang. Hetiang hian :- United Kingdom-ah 8.2% (tuna awm zat 4.6%); Austria-ah 9.3% (tunah 5.7%); Sweden-ah 9.9% (tunah 4.9%); Belgium-ah 10.2% (tunah 6%); France-ah 10.3% (tunah 7.5% ). Tin, Europe ram 10-ah chuan zaa 10 (10%) aia tam chu Muslim an ni tawh ang. Hetiangin:- Kosovo (93.5%), Albania (83.2%), Bosnia-Herzegovina (42.7%), Republic of Macedonia (40.3%), Montenegro (21.5%), Bulgaria (15.7%), Russia (14.4%), Georgia (11.5%), France (10.3%) and Belgium (10.2%).