Kan Hnam Hming "MIZO" leh Kan "CHI" te Hi

- H.T Sangliana, MP

Vawiin ni thlengin, kan zingah, "MIZO" tih kan hnam hming atana kan pawm ta hi, a awmzia enge ni tihah leh, Mizo chu kan 'hnam' hrang hrang, Sailo, Pawi, Hmar, Paihte, Ralte, etc, min pawt khawmtu mai chauh a ni, tih ang rengtea chiang lo kan la awm nuaih niin alang.

A mawl thei ang berin han sawi ila. Tunhmain Lusei/Lushai tiin kan chhehvel hnamten min hre thin a. Mahse, kan hranghlui thil chhut chiang lehzualtuten, 'Lusei tihhian min phuar pumkhat zo tawk love, kan zinga chi hrang hrangte in angkhat leh intiat tlang veka min phuar khawm turin, kan hming atan "MIZO" tih ihmang tawh zawk ang u' an tih tak avanga kan hnam hmingah MIZO hmangta kan ni.

Kan ramhi tlangram leh thengthaw tawk, 'ZO' tawka kan hriat avangin tha kan ti tlang a, 'MIZO' tih chu kan ram chhunga awm zawng zawngte min huam vektu kohhming atan kan lo pawm ta a ni. Tichuan Mizo hi kan hnam hming lo ni tain, tun hma a kan hnam tia kan lo sawi thin Sailo, Pawi, Lakher(Mara),Paihte, Hmar, Ralte, etc te chu kan "CHI" tiin kan lo sawi ta zawk a ni. Mizoah hian Mizoram chhunga cheng zawng zawngte kan leng vek tur ani a. A leng veloa in ngai leh nive lova in ngaite chu an chawh thlawnin an buai thlawn mai dawn a ni. Chutiang bawkin, a inti Mizo apiang kan mizo anga, a inti Mizo lo apiang ante telh telh mai dawn a ni.

Keiniho (Mizote) hi kan pi leh pute atang tawha chi inneih pawlh thin kan lo ni a. Vawiin ni angahte chuan chi hlang, atir atanga chi khat thisen chauh, chi dang thisenin a pawlh loh tumah chhungkua kan awm tawh lo ti ila kan sawi sual tam lovang. Hetiang hi kan nih tak avang hian chi leh kuang inla bing tur leh in duh sak bik tur tumah kan awm tawh lo. Hei tak hi, keichuan, Mizo nih a nawmna niin ka hria.

Kan zingah mahni chipuite hriat bik leh dunsak bik deuh riau ching leh tum kan awm thin. Ka Sailo pui, ka Chhakchhuak pui, ka Hauhnar pui, etc,titein kan sawi thin. Hetianga kan ti thin hi a tha em?  atul em? tihte pawh in debate zui atan athain ka hria. Ngaihdan pakhatah chuan, ate tham em mai, chhiatni thatni a buai leh akul ataia che vel turin chi puite nana chu kan in ngam lehzual deuh a lawm titein kan sawi thei. Hetiang atana mahni chipuite kan in ngam tlak bik deuh anih chuan kei chuan chuti hehua han ngaih dik loh tur niin ka hre lo. Amaherawh chu, tling si lo, phu si lo, thiam leh tlak si lo, chipuite nih avang maia duhsak a, a phu leh tling zawkte hnawl chu tha ka ti lo hul hual. A ti an awm chuan kan dem ngam turah ka ngai.

Kan Mizo hnam hi laimu leh ziarang fiah fel taka kan thuam angai a. Kan mizia, kan duh zawng leh duhloh zawng, awm kan tih leh tih loh zawng, Mizo ani ang, ani lovang, tia ralkhat thil thleng thuahte hial pawh kan in hriat mai theih tur khawpa chet dan ah leh tih danah kan in siam/hriat a tul. Mizo nun zemawi identity neih kan mamawh. Kan nun zia turte pawh hi duan a tul chho ta mek zel anih hi. Zawlbuk kal tlangte pawha nun zia hanin zam siak te pawh avan tha tan awm ve!! Enge Zawlbuk kaituten in ngaih dan ve hlawm?

Vawiin ni thlengin, kan zingah, "MIZO" tih kan hnam hming atana kan pawm ta hi, a awmzia enge ni tihah leh, Mizo chu kan 'hnam' hrang hrang, Sailo, Pawi, Hmar, Paihte, Ralte, etc, min pawt khawmtu mai chauh a ni, tih ang rengtea chiang lo kan la awm nuaih niin alang.

A mawl thei ang berin han sawi ila. Tunhmain Lusei/Lushai tiin kan chhehvel hnamten min hre thin a. Mahse, kan hranghlui thil chhut chiang lehzualtuten, 'Lusei tihhian min phuar pumkhat zo tawk love, kan zinga chi hrang hrangte in angkhat leh intiat tlang veka min phuar khawm turin, kan hming atan "MIZO" tih ihmang tawh zawk ang u' an tih tak avanga kan hnam hmingah MIZO hmangta kan ni.

Kan ramhi tlangram leh thengthaw tawk, 'ZO' tawka kan hriat avangin tha kan ti tlang a, 'MIZO' tih chu kan ram chhunga awm zawng zawngte min huam vektu kohhming atan kan lo pawm ta a ni. Tichuan Mizo hi kan hnam hming lo ni tain, tun hma a kan hnam tia kan lo sawi thin Sailo, Pawi, Lakher(Mara),Paihte, Hmar, Ralte, etc te chu kan "CHI" tiin kan lo sawi ta zawk a ni. Mizoah hian Mizoram chhunga cheng zawng zawngte kan leng vek tur ani a. A leng veloa in ngai leh nive lova in ngaite chu an chawh thlawnin an buai thlawn mai dawn a ni. Chutiang bawkin, a inti Mizo apiang kan mizo anga, a inti Mizo lo apiang ante telh telh mai dawn a ni.

Keiniho (Mizote) hi kan pi leh pute atang tawha chi inneih pawlh thin kan lo ni a. Vawiin ni angahte chuan chi hlang, atir atanga chi khat thisen chauh, chi dang thisenin a pawlh loh tumah chhungkua kan awm tawh lo ti ila kan sawi sual tam lovang. Hetiang hi kan nih tak avang hian chi leh kuang inla bing tur leh in duh sak bik tur tumah kan awm tawh lo. Hei tak hi, keichuan, Mizo nih a nawmna niin ka hria.

Kan zingah mahni chipuite hriat bik leh dunsak bik deuh riau ching leh tum kan awm thin. Ka Sailo pui, ka Chhakchhuak pui, ka Hauhnar pui, etc,titein kan sawi thin. Hetianga kan ti thin hi a tha em?  atul em? tihte pawh in debate zui atan athain ka hria. Ngaihdan pakhatah chuan, ate tham em mai, chhiatni thatni a buai leh akul ataia che vel turin chi puite nana chu kan in ngam lehzual deuh a lawm titein kan sawi thei. Hetiang atana mahni chipuite kan in ngam tlak bik deuh anih chuan kei chuan chuti hehua han ngaih dik loh tur niin ka hre lo. Amaherawh chu, tling si lo, phu si lo, thiam leh tlak si lo, chipuite nih avang maia duhsak a, a phu leh tling zawkte hnawl chu tha ka ti lo hul hual. A ti an awm chuan kan dem ngam turah ka ngai.

Kan Mizo hnam hi laimu leh ziarang fiah fel taka kan thuam angai a. Kan mizia, kan duh zawng leh duhloh zawng, awm kan tih leh tih loh zawng, Mizo ani ang, ani lovang, tia ralkhat thil thleng thuahte hial pawh kan in hriat mai theih tur khawpa chet dan ah leh tih danah kan in siam/hriat a tul. Mizo nun zemawi identity neih kan mamawh. Kan nun zia turte pawh hi duan a tul chho ta mek zel anih hi.

Thulakna: Zawlbuk @ https://zawlbuk.net/index.php?option=com_content&view=article&id=2861:kan-hnam-hming-qmizoq-leh-kan-qchiq-te-hi&catid=10&Itemid=102