Vanuatu : Republic of Vanuatu hi Pacific tuipui chhim lama awm “Thliarkar Ram” a ni.A ram mipui zat chu 243,300 niin, a ram mi 90% te chuan sangha-in eiin an zawng a, 80% te chu thingtlanga cheng an ni.An khawpui hming chu Port Vila a ni.
Nauru : “Pleasant Island” tih pawha hriat lar Republic of Nauru hi Pacific tuipui chhim lama awm khawvela “Thliarkar Ram”te ber a ni a, 21 square kilometres chauha zau a ni.A ram mipui zat chu 14,019 a ni a, an khawpui hming chu Yaren a ni.
Tuvalu : Tuvalu hi “Thliarkar Ram” hi Pacific tuipuia awm a ni a, Polynesian mite an cheng deuh ber.A ram mipui zat chu 12,373 a ni a, sipai an nei hran lem lo. An khawpui chu Funafuti a ni.
Comoros : Union of the Comoros hi “Thliarkar Ram” a ni a, Mozambique leh Madagascar inkar – Indian tuipui-a awm a ni.A ram mipui zat chu 798,000 niin, an khawpui chu Moroni a ni.
Guernsey : English Channel – Normandy tuipui kama awm Guersey ram hi United Kingdom mawhphurhna hnuaia awm ni mah se, UK rama chhiar tel a ni lova, European Union-ah pawh chhiar tel a ni lo.He ramah hian mi 65,573 an cheng a, an khawpui chu St Peter Port a ni.
Isle of Man : “Mann” tia an koh mai thin Isle of Man ram hi Irish tuifinriat – Great Britain thliarkar leh Ireland thliarkar inkara awm a ni.He ram hi British nen inzawmna nei si, mahnia insorkar ram , European Union-a tel lo ram a ni. Mi 80,085 chengin, an khawpui chu Douglas a ni.
Cook Islands : Pacific tuipui chhim lama awm Cook Islands hi mahnia insorkar democracy ram niin, kum tin tourists 90,000 chungin an tlawh thin.Mi 19,569 an cheng a, an khawpui hming chu Avarua a ni.
Thulakna: This Blog Rules , Wikipedia