Khawvel internet lal ram awptu, a tel lova khawvel vir thei lo hiala mite sawi – Google chuan ni 21 March 2011 khan China sorkar chu Google Gmail tibuaitu a nih thu leh a dem takzet thu a sawi.
“Gmail hawn hleih theih loh turin, message thawnchhuah harsa turin, Middle East buaina tawp thei lo tur leh thil dang dang Gmail-ah lang turin, China sorkar rawih mithiamte chuan Google hi an tibuai a, Google mi thiamten ngun taka vawi tam tak kan en nawn hnu pawhin keimahni ah chian lohna engmah kan hmu lo. He thil thleng hi China sorkar rawih mi thiamten Google chian lohna ang taka lang tura Google an tihbuaina a ni,” tiin Goolge chuan a sawi.
Google-in China sorkar a puhna chungchangah
Nikum January khan Google leh China sorkar laipui chu dan leh dun leh thil dang vangin an inbei nasa tawh a, Google chu China market atang a chhuak a, Google Chinese-Language Search Engine chu China sorkar laipui dan khuahkhirh lohna Hong Kong-ah Google chuan a sawi ta a ni.
China hi khawvela internet zalen lo ber ram zinga pakhat a ni a, Facebook, Twitter, Youtube leh Website dang tam tak China sorkar chuan a khar phui tlat reng a ni.
Thulakna: Fox News, BBC, Time Magazine