Facebook - Tunlai Khawvel Hmangaihna/ Inngaihzawna Hmun (Modern Romance)

Hunin kum tam a lianpui a, khawvel finna leh thiamna thang chho zel chuan khawvel hmun hrang hrang hrutchhuakin, hmun kil khawr ber bera awm khaw tin kawtkai-ah pawh chuangkaiin, nunphung leh khawsak a her danglam zel a. Hun inher danglam chho zel hian hringnun hi a chhe zawng leh tha zawngin a tinghawr nghing dawt dawt ta ni berin a lang.

Tunlai khawvela thangtharte hian Social Network chu tualchaina hmunpui berah an hmang ta a, chu chu science leh technology lama thiamna thangchho zelin a hrin a ni. Tunlaiah mi tam takin hun a hmanna, a hmangtu mi maktaduai 500 chuang zinga mi makdaduai 250 aia tlem lovin ni tin an hman thin  Facebook  hi tleirawl leh rawltharten infiamna atan, inchhaihna atan, intheh larna atan, ngaihzawng zawnna leh inrimna hmun atan leh...adt. an hmang nasa a ni tih chu tu’n kan hnial ngamin a rinawm love.

Tleirawl tam tak chuan Facebook  hi ngaihzawng zawn nan an hmang a, chuvangin,  Facebook hi tunlai khawvel hmangaihna / inngaihzawnna / kawppui zawnna hmun pawimawh tak (Function of Modern Romance ) a ni tih theih hial a ni ta! Thangtharte chuan inkawm khawm nuam an tiin, huho nun hi an ngaina a, chumi atana chuan inkawm khawmna hmun Facebook hi a remchangin a tangkai hle a ni.

Social Networking hian tunlai thangtharte nunah nghawng a nei chho zel dawn niin a lang. Hei hian thatna tam tak a neih rualin, chhiatna tam tak min thlentu a ni thei bawk. Tin, a hmang thiam leh thiam lo inkar pawh a zau hle bawk ang.

Mizo thalaite nunah Social Networking hian eng chen nge ram a lak tawh ang a, thalaite hian engtiangin nge an hman tangkai a, engtiangin nge an hman sual? tih hriat a chakawm hle mai. Zirchianna(survey) neih ve tak tak a hun tawh lo maw?