Chief Minister Lal Thanhawla hova Council of Ministers \hukhawm chuan, Autonomous District Council te tana Direct Funding rawtna chu hnawl rihin, ngaihtuah \hat leh tur atan an dah.
New Secretariat Complex-a Chief Secretary Conference Hall-a Council of Ministers \hukhawm hian thu rel tura chhawpchhuah 42 chungchang an ngaihtuah a. Thu ngaihtuah tur an ngah avang hian Nilaini- khan rel zo hman lovin, nimin khan an chhunzawm leh a ni.
Council of Ministers \hukhawm hian UD & PA Department a\anga chhawpchhuah, Municipal Council-a Councillor-te party danga an inleh khapna dan ‘The Mizoram Municipal Authorities (Prohibition of Defection) Bill, 2010’ leh mumal zawka bawlhhlawh sawngbawlna dan ‘The Mizoram Urban Sanitation & Solid Waste Management Policy, 2011’ te an pawmpui a ni.
Home department a\anga rawtna Indopui pahnihna hunlaia sipaite \anpuina pawisa tihpun leh Prison department leh Home Guards Officer leh hnathawktute hlawh tihpun chu remtih a ni bawk.
Transport department hnuaia operational staff (driver, conductor, mechanic etc) te chu Inrinni leh Holi- day-ah pawh an kal avangin , overtime allowance an dawn theihna tur chu pawm a ni a, Sorkar motor hlui tihriral theihna dan ‘The Mizoram Condemnation and disposal of the Government Vehicle Rules, 2011’ pawh pawm a ni bawk.
6th Pay hman a nih avanga School Education department hnuaia post hrang hrang siamrem rawtna chu pawm a ni a, Petroleum a\anga thilsiam chi hrang hrang khuah-khirhna dan ‘The Mizoram (Sales of Petroleum and petroleum products including Motor Spirit and Lubrucants) Taxation Act, 1973’ chu pawm niin Art & Culture Department hnuaia, Draft the Mizoram Public Records Bill, 2011, Horticulture Department hnuaia Mamit Horticulture Circle chu Sub-Division Level- a hlankai leh Industries Department hnuaia Consultant post siam leh a hna chelh nghal turin Lalzarliana Renthlei, IOFS rawtna pawh pawm a ni.
PHE department hnuaia contractor te register-na dan leh Mizoram Public Water Supplies (Control) Rules, 2010 chu pawm niin Bungkawn Damveng Bazar chu local council hnena hlan rawtna pawm a ni a, Excise & Narcotics department hnuaia gazetted officer ni lo tan ration money leh washing allowances tihpun rawt-na chu pawm a ni bawk.
Council of Ministers \hukhawmin an pawmloh langsar zingah taxi atana two wheeler hman te, Planning Department hnuaia Directorate of Science & Technology siam rawtna te, Mizoram sorkar hnuaia pensioner/ family pensioner te fixed medical allowance, thlatin Rs. 100 a\anga Rs. 300 a tihpun rawtna te chu pawm rih loh a ni.
Thulakna: The Zozam Times