Chhiarpuia inziaklût duhlote kâwm
India ram chhiarpui neih meka inziaklut ve duhlo Vairengte leh a chhehvel a mite chu nimin khanVairengte SDO (C) Conference Room-ah Charge Officer, Pu Lalrohlua SDO (C), chuan kokhawmin an harsatna te a sawipui.
He hunah hian Vairengte leh a chhehvel a inziaklut ve duhlo chhungkaw 33 te kalkhawmin, sawihona tha tak neiin kalkhawm te chuan House listing leh House Census chu an hriatthiam thu an sawi a, mahse Census chungchanga sawrkar ruahmanna thar NPR (National Population Register) erawh Identity Card siamna tur a nih avang leh Fingerprint lak te chu an hlauh ber a nih thu sawiin, kalkhawm te chuan sakhaw thil a nih avangin thuneitu te hriatthiamna an ngen a, Pu Lalrohlua chuan, hemi chungchangah hian sawrkarin ruahmanna a siam thuai tur thu sawiin, Enumerator-ten in-register theuh turin an ngen nawn leh dawn tih kalkhawm te chu a hrilh a ni.
Thudawnna chuan heng mite hian Thupuan Bung-13 tlawhchhanin sawrkarin Census a kalpui dan chu sakawlh number-ah an ngaih avanga hlau leh in-register duhlo an nih thu an sawi a, a tlangpuiin heng mite hi Kohhran te leh kohhran mumallo mi leh sa an nih thu a sawi bawk. Nimin meeting-ah hian hriat theih chinah Vairengte leh a chhehvela in-register duhlo te an kal kim hle a ni.
Thulakna: Zothlifim
