Chapchar Kut 2011 Exhibition Hawn A Ni
Pu R.Romawia, Mizoram Legislative Speaker chuan vawiin chawhma khan Assembly Annexe Building ah Chapchar Kut 2011 lawmna chikhat atana buatsaih exhibition a hawng. Exhibition hawnna ah hian Pu P.C. Zoramsangliana, Art & Culture Minister; Pu John Rotluangliana, Dy. Speaker leh Pu T.T. Zothansanga, MLA te an tel.
He exhibition ah hian Information & Public Relations Department, Mizoram Academy of Fine Arts (MAFA) leh INTACH (Mizoram Chapter) tangkawp chuan Photograph and Painting Exhibition leh Heritage Exhibition an nei a, MAFA hian painting 57 an phochhuak a ni. Industries leh Hnam Chhantu Pawl tangkawp chuan stall 20 siam in hetah hian kutthemthiam thil chi hrang hrang hralh theih a dah a ni a, Horticulture leh Mizoram Florist Association tangkawpin Flower Show Cum Fair an buatsaih ah florists 118 an tel a ni.
He exhibition hian March 5 thleng a awh ang.
Thulakna: DIPR
