Champhai YMA-in Zualko Tirh Loh Rel
Inrinni (ni 27 November) a Champhai Sub-Hqrs. YMA Executive thukhawm chuan Champhai Sub-Hqrs. thuthmun, Town Branch huamchhungaah chhiat tawk an awmin khuaiin Zualko intirh tawh loh nise, an ti. Tun sinhmunah chhiat tawk an awmin Telephone hmangin kan inhrilh zung zung thei tawh a, Cable TV hmangin Zualko kan siam bawk a, chuvangin veng hrang hrang a Zualko intirh buai kher hi tul tawh lova ngaiin tun atang chuan chhiat tawk, a bikin mitthi an awmin zualko intirh tawh lo nise an ti.
Hei bakah hian Town Branch huamchhungah Mitthi vui hun rualkhai zawka kalpui nise, an ti a. Lumen ngai an nih chuan a tuk chhun dar 11:30 ah vuina hun hman nise, Lumen loh an nih chuan chhun dar 12 ah vuina hun hman nise, an ti bawk. Kumin Krismas leh Kumthar lo thleng turah mipuiten ralmuang leh hlim taka he hun hi an hman theih na turin YMA ten a tul anga hma lak nise, an ti a. Dawrkar leh sumdawng ten Halpuah leh puakthei thil dang lak chhuah loh nise, Silai lem, a mu kapchhuak thei chu khauh taka khap nise an ti bawkah zu leh ruih theih thil vanga buaina a awm lohna turin Branch hrang hrangin hmalak nise an ti bawk.
Thulakna: Champhai.net
