CENSUS-CHUNGCHANG HRILHFIAH AN NI
Nizan khan Saihatlangkawn-I VCP inah Saihatlangkawn venga Census-a chhiar tel ve duh lote kohkhawm a, uluk taka thil awmzia hrilhfiah an ni. He meeting, Pu H.Lalhmingthanga, Election Officer & Addl. District Census Officer kaihhruaiah hian Rev. K. Lalbiakenga, BCM chuan tunlaia mi thenkhatten census leh sakawlh inzawm anga an sawi chu a dik lohzia leh Kristiante tana chhiarpuia hming ziah a hlauhawm lohzia kalkhawmte a hrilh a. Khua leh tui thate tihtur chu tha taka zawm ve mai tur leh fimkhur lehzuala Bible thute zir chiang thin turin a ngen bawk. He meeting-ah man bialtu supervisor, enumerator leh khawtlang hruaitute an tel a. Hetianga inkawmhona hi vawiin tlai dar 3:30 hian Council Veng Middle School-ah neih leh a ni ang.
Thulakna: DIPR
