2010 World Cup, South Africa – June 11 – July 11 chu a dawngsawngtu Africa khawmuala chengten an tawiawm tha hlei thei dawn lo niin a lang(a nghahna South Africa ni lo, Africa khawmuala awm ram dang mite).African-ho tan ticket man hi a tlawm thei ang bera ruahman mah ni se, African khawmuala ram thenkhatte tan chuan a la harsa tho a, thlawhna chuan man / kal man leh a hmuna khawsak man vel zawng zawngte chhutin African mite tan he hun tawiawm hi thil harsa a ni.
FIFA buatsaih 2010 World Cup , Africa khawmuala a vawikhatna ni tur hi African mite tawiawm mumal loh “Africa-a nghah World Cup” a ni mai ang tih hlauin FIFA chuan kawng hrang hrang a dap mek.
FIFA chuan he World Cup hi African miten Mobile TV kaltlanga an thlir tam theih a ring a. Chumi atan chuan DSTV Mobile's Francois Theron hmangin Mobile-ah entheih turin a siam.African mite hian Mobile hi an hmang nasain, an uar hle. UN report-a a lan danin, kum 2003 – 2008 chhung ringawt khan Africa khawmual-ah Mobile hmang hi 54 million atang 350 million meuhin an pung a ni.
Thulakna: CNN