A CHHUNGAH A TAK A AWM
- Zotuithiang
Khatih hunlai khan America chuan mi-hang hnamho chu Sal nihna ata chhuah tawh mah se,an zingah mi-hangho chuan hmuhsit leh endawng an la hlawh hle a ni ngei ang.
Tuk khat chu Baloon-thlawk-thei zuartu hian Bazar-ah a thil zawrh chu naupangho it turin,a khat tawkin a ti thlawk (thlah) leh thin a.A hring (rawng) te,a pawl te,a sen te,a varte...Chutia a tih thlawh chuan naupangho chuan mak an ti a,an nu leh pate hnenah lei a ngen a,a hralh theih phah hle a ni.
Chutia Baloon-thlawk-thei zuartuin a Baloon a tih thlawh lai chuan mi hang naupang pakhat hian a kawr hnungah a rawn pawt a,zawi te,inthlahrung takin,"Ka pu, he i Baloon hi a dum teh ni ta se,a thlawk ve thei tho ang em?" tiin a rawn zawt a.Chutah Baloon zuartu chuan, "E...,vala he Baloon thlawh theihna chhan hi a rawng a var vang te,a hrin vang te,a pawl vang te a ni lo.He Baloon chhungah hian amah ti thlawk theitu Gas chi khat a awm a,chumi avang chuan a thlawk mai a ni.A dum pawh ni se,a thlawk thei tho alawm" tiin a Baloon zinga rawng dum chu a rawn la chhuak a , a thlawhtir ve ta a ni.
