Zu Khapna A Hlawhtling Lo : YMA

30/04/2011 23:02

Kum 5 chhungin ACH-ah Zu vanga thin (liver) tha lo 561 admit

Mizoram Liquor Total Prohibition Act, 1995 zirchiangtu (Study Group) in an thil zir mek atana YMA hmuh dan leh ngaihdan an zawhna-ah YMA chuan, ‘Zu khap burna dan hman  hi a hlawhtling lo,’ tiin an chhang. Hetih rual hian Aizawl Civil Hospital chuan kum 5 chhungin Zu avanga thin (liver) \ha lo, mi 561 an admit thu an sawi a. Kum 10 chhungin Kulikawn Hospital-ah zu ngawl vei 1553 admit an nih thu an tarlang bawk.

Study Group hian MLTP Act an zirchian mekah, Zu in a ngh-awngchhuah thil chi hrang hrang chu mithiam leh zirbing tute hnen-ah an ngaihdan an zawt a. Heng an chhanna hrang hrang hi vawiin khan I & PR Conference Hall-ah an ngaihtuah ho a. Amaherawhchu, zirbing tur leh bawhzui tura an ruat \henkhatin report an la thehluh kim loh avangin, May thla tawp lama meeting nei leh turin rua-hmanna an siam a ni.

Zu leh mihring man zat leh hrem an nih dan Excise & Narcotics  department ten report an thehlut a. Zu in khawtlang nun leh ei leh bar a nghawng dan zirchiang tura sub-committee an din chuan an report an la thehlut lo a. YMA hnena Zu khap burna dan hlawhtlin leh hlawhtlin loh chungchang an zawh-na chu, YMA chuan hlawhtling lo an tih thu-in an chhang a. MLTP Act \hatna leh \hatlohna zirchiang tura an tih, Law & Judicial department chuan a dan lamah a \hatlohna an hre lova. Zu in Mizo \halaite leh hmeichhiate a ngh-awng dan zirchiang tura an ruat, Mizoram University chuan  an hna an la zo lova, Zu in hriselna a tih-chhiat dan chungchang Aizawl Civil Hospital an zawhna chu kimchang taka chhan a ni tawh a ni.

Excise & narcotics Department report a\anga a lan danin, kum 2006 a\anga 2010 thleng khan Zu avangin mi 14448 an man tawh a, heng zinga 10667 chu thiamloh chantir (convic) an ni. Kum 2006-ah mi 3267 manin 2555 convict an ni a, 2007-ah mi 3002 manin 2601 convict an ni. 2008-ah mi 2555 man an ni a, 2050 convict an ni. 2009-ah mi 2724 man niin, 1664 convict an ni a, 2010-ah mi 2900 man zingah 1797 convict an ni bawk.

Aizawl Civil Hospital Medical Superintendent, Dr. Lalbiakkima report a\nga a lan danin, kum 5 chhung (2006-2010)-ah khan ACH-ah Zu avanga thin (liver) \ha lo admit 561 an awm a. Heng zingah hian 461 chu Mipa niin 100 chu hmeichhia an ni. Data lakkhawm-ah hian Damdawi In-a enkawl chauh tarlan a ni a, Damdawi In-a admit loh, OPD-a in entir engemaw zat an awm bawk niin tarlan a ni. 

Upper gastro Intestinal bleed leh acid peptic natna nei tam tak Civil Hospital-ah hian admit an ni a, heng natna hi Zu vang a ni thei a, mahse report-ah hian telh an ni lo niin Dr.Lalbiakkima hian a report-ah a tarlang a ni.

Kum 10 chhung (2000-2010) chhung khan Psychiatry Department chuan Kulikawn Hospital-ah Zu ngawl vei 1553 an admit tih Dr. C.Lalhrekima chuan a report-ah a tarlang bawk a. Zu ngawl vei tam tak chu Dawmdawi In-a admit kher lova In lama enkawl an awm thu te, damlo \henkhat chu admit nawn an nih thu te leh Psychitry Department chuan ruihtheih thil chi hrang hrang avanga dam lo an enkawl zingah, Zu avanga damit chu an tam ber \hin thu Dr. C.Lalhrekima hian a sawi a Kum 2002-03, 2003-04, 2004-05-ah erawh chuan Opioid Dependence (Heroin/No 4etc addict) case a tam zawk thung niin a sawi bawk a ni.

'Mizoram hmun hrang hrang-ah Zu ngawl vei enkawlna hmun tam tak a awm a, Psychitry department-a la kal miah lo, hmundanga treatment la tam tak an awm ngei ang', tiin Dr.C.Lalhrekima chuan a sawi bawk.

Study Group meeting hi an chairman  H. Raltawna'n a kaihruai a, Commissioner of Excise & Narcotics leh Study Group Secretary ni bawk Lalbiakmawia Khiangte chuan meeting hmasa minute bawhzui dan a report  a. Zirchiang tura an ruat \henkhatin report an la thehluh kim loh avangin, Mizorama MLTP Act dinhmun chu pawl hrang hrangte rawn kuala zirchian leh deuh ni se tiin thu an titlu rih a ni.

 --------------

 Aizawl Civil Hosiptal-a Thin (liver) tha lo admit zat

    Kum Male Female Total
    2006 113 16 129
    2007 76 21 97
    2008 88 19 107
    2009 95 24 119
    2010 89 20 109

    G.Total 461 100 561

------------------

 Kulikawn Hospital-a Zu ngawl vei admit zat

 2000-2001 77
 2001-2002 80
 2002-2003 161
 2003-2004 167
 2004-2005 151
 2005-2006 114
 2006-2007 143
 2007-2008 149
 2008-2009 205 
 2009-2010 306
 Total 1553

Thulakna: The Zozam Times

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E