1. ISUA KRISTA KOHHRAN (I.K.K)
Kum 1970 May 23-ah Lawngtlai (Bualpui 'NG') a din tan a ni. Isua Krista Kohhran hi Mizoramah pawl 3 lai an ding.
2. LALCHHUNGKUA
A tirah chuan Mizoram Evangelical Association (MEA) tih a ni a, Ni 27 September 1978-ah din tan a ni. Ni 14-17 Feb. 1985-ah 'Lalchhungkua' ti a thlak a ni. A dintu chu Evan.Rorelliana a ni.
3. JEHOVA JIRE
Kum 1974 Oct. 24-ah din a ni a, a dintu chu RT Hnema a ni. "Pathian chhungte" ti a hriat an ni bawk, member an inchhiar hran lova, mitinte nihnaah a innghat.
4. PATHIAN FATIR KOHHRAN
Ni 7 Oct. 1966 a din a ni. A dintu chu Chhunkhama a ni a, an thu kalpui lam chu Israel thlah kan ni tih a ni.
5. MIZO KOHHRAN
Ni 3 May 1987-ah din tan a ni a, hming hmera dinchhuaktu sawi tur an awm lem lo.
6. KOHHRAN THIANGHLIM
Kohhran thianghlim ho hi Dr.Biakmawia Pawl tia hriat lar a ni. Kum 1984 a rawn lar tan a ni.
7. SIALSUK THIANGZAU
Kum 1943 chhova din a ni. Sialsuk leh a chhehvel chauh a huam a, atla chawpa kal an ni. A dintu chu Kawlha (Chawngthangvunga) a ni.
8. ABRAHAMA THUTHLUNG PAWL
Kum 1981 Oct. thla a din a ni. Lalthuthlung pawl hi Pacheuva din chhuah a ni.
9. LALRAM MAICHAM
Kum 1963 a din a ni. A din chhuaktu Thanchhuma a ni a, Israel Thar ti te'n an sawi bawk thin.
10. ZATHANGVUNGA PAWL
An pawl din chhuaktu chu Zathangvunga a ni. Vanmi, Thianghlim-famkim ti te'n an sawi bawk thin.
11. LALZAWNA PAWL
Kum 1978 bawr vel a din a ni. Lalzawna Pawl tihte, Lungpui lum hlau ho ti te in an sawi thin. Champhai Tlangsamah an awm khawm deuh ber. A din chhuaktu Lalzawna a ni.
12. VANAWIA PAWL
Kum 1979 bawr chho vela din a ni. A din chhuaktu Vanawia a ni.
13. PAWLLO PAWL
Kum 1976 a din a ni. A dintute Pastor Chawnluaia a ni.
14. CHANA PAWL
Chana Pawl tih hi pawn lam mi hovin kan sawi dan a ni a, anni lam in sawi dan nen a inang kher lo. Baktawng khua velah an awm. Kum 1955 vel atangin rawn intan kha a ni. A dintu Khuangtuaha a ni. Tunah chuan Ziona Pawl tiin an sawi tawh a ni.
15. PATHIAN NUNG KOHHRAN
He pawl hi Lunglei lamah tlem an awm. Pawl thang duang tak an ni lem lo bawk. A din kum leh a dintu hriat chian a ni lo.
16. ISUA KOHHRAN
Pastor leh Upa te nei hrang thlapin an awm. Lunglei leh a chheh velah an awm tam deuh. A din kum leh a dintu hriat chian a ni lo.
17. ZORAMTHAR
Zawlnei rawng an kai hle, Vanbawng khuaah an awm tam. A din kum leh a dintu hriat chian a ni lo.
18. EDENTHAR
Aizawl leh a chhehvelah an awm. Member tam tak an ni lo. A din kum leh a dintu hriat chian a ni lo.