Zo Inpui vrs Mizo Inpui

27/08/2010 01:57

BUANNEL : Zo Inpui vrs Mizo Inpui H. Zosangbera (Sakawrdai) Zofate Khawpui ber Aizawl ah ngei INPUI din theia kan awm ta hi a lawmawm hle rualin Zo INPUI ti lova Mizo INPUI kan ti zawk mai lo hi a lainat thlak deuhin in hre ve lo maw? Dated 18/7/10 nilainia amah Pu K.Hrangluaia’n a thlirna tukverah atanga a thil hriatchian siloh a rawn chhimthal bekang puah pui chiam mai khan ka nak a kalh deuh avangin Zoram mipuiten thudik kan hriat ve a, ngaihdan mumal zawk kan neih theihna’n tlem ka’n tuihnih ve ang e. A hmasa in ka hming chu H. Zosangbera niin Sakawrdai khua a piang leh seilian ka ni a. Ka hming bula H ka dah hi Hmar tihna a ni e.

Hmar tawng hmang chhungkua a seilian ka nih avangin Lusei (Duhlian Tawng) ka thiam tawk loh avanga ka sawi tum sawichuak zo si lova in huatthu ka sawipalh anih pawhin dawhtheihna nen min lo hrethiam hram a ni ang chu. Pian leh murna lam chhui chuan ka nu hi Sakawrdai Lal Sangliana (Raja) an tih thin farnu a nia. Ka pu Sangliana hi tlawmve ngailo Lalnu Ropuiliani anga India Sipai ralhrat hma ah pawh tlawm ve ngai miah lo anih vanga a khua leh tui (Upper Sakawrdai) kha sawikhawm/karkhawm (grouping) lo awmchhun nita in ka hria. Rambuai vanglaia Sipai hrâng em em pawh khan an zah in antilui ngam miahlo zuk nia. Pa lamah chuan Ka pi pu tekha hmanlai dana ram lam ah leh in lama THANGCHHUAH an ni.

Sailo Lal ni leh thla kara leng inti te aia kan chungnun loh bikna a awm love tiin, Zofate zinga Sangber din hmun a ding kan ni lawm ni tiin ka hmingah Zosangbera sata an ni. Kan thupui ah lut ta zawk ila, tlem lai khan thingtlang atanga MNF Gen. Hqrs. a Executive member niin joint secretary kum 10 aia rei chelh awm chhun ka nia Block aiawha Council membera thlan te tihloh National Council member han ni phak tumah Hmar tlangdungah an awm lova. Leadership inchuhna avanga MNF(N) a pian khan tumah Hmar tlangdung atanga Council member ni pha an awm na heklo. Hmar tlangdung mipui ten kan National Identity atan MIZO tih hi kan pawm thlap zawk a ni tih ila hre lo anih chuan lo hre ve thin tawhla a tha ange. Chibil hnam hming leh Mizo hi I hriat pawlh zawk a ni mai em? Mizo zingah Chibil hnam hrang hrang Lusei,Ralte,Paite,Lai,Mara,Hmar,Gangte,Thado,Zo,Simte,Haokip,Khongsai leh a dang dang tam tak kan awm a.

Zohnahthlak zinga a zatve vel hian R leh T an nei ve lova. Chuvangin Zohnahthlâk zawng zawng hi Group hnih lian pui pui pahnih R Group le G Group-in a then theih âwm e. G Group zinga chi tam zâwk chuan kan insuihkhawmna hming atan MIZO tih aiah ZOMI or KUKI or CHIN an thlang zawk a. Heng G Group-ho mitmei ven vanga ZO Nationalist Party hming pu ta an ni zawk lo maw? Hmar tlangdung mitmei venna aiin Khawchhak lam mitmei venna ani zawk mai em le? Hmar in Autonomous District kan dil avanga kan Mizo lohna a awm lo.Lushai Autonomous District kha Mizo District Council a kan hranghlui ten an lo thlak pawizia hi thang leh thar ten an la hre chhawm zel ang chu. Mizo tih hi kan National identity anih vanga Independence sual hnam kan ni.

Mizo indentity-a a buailote chawhbuai phet tum hi zawng a mangan thlak teh zawng anih hi. HPC (D), ZRA leh KNO silai lek chhan in an lohna I hre hrang lo chu a pawi ngawt mai. ZRA ten ZOMI puanzar hnuaia inpumkhat an duh laiin KNO hnuaia group hrang hrangte chuan KUKI puanzar hnuaia insuihkhawm an tum a. HPC(D) erawh chuan kan Hmar tawng-Krista iptepui banna leh kan hnam nunze mawi leh thaa kan ngaihte Mizo puanzar hnuai Mizoramah ngei humhalh leh chawisan kan tum zawk a ni. Naga te zingah chibil hnam hrang hrang a awm angin tawng hran an nei theuh. Chutiang bawkin Zofate zingah Lai tawng, Hmar tawng, Lusei tawng, Ralte tawng leh Mara tawng a awm. Ka Puzawnpa khan a thih thlenga Ralte tawng a hman vanga a Mizo lohna ka hre lo. Lusei (Duhlian) tawng chu Mizo official tawng leh Pathianin iptepui bannana a hman, Zohnahthlâk tawng zinga tawng tuallengber leh Krista Chanchintha puanna tawng lârber a ni a.

Tuma sawisel theih a ni lo. A vul zel bawk ang. Nangni Lusei tawng hmang tam tak hian Mizo Inpuia kan lawi ve phallo hian a hulhliap chauh min chantir a ni zawk mai em? Lusei tawng hmang lova, Zohnahthlak tawng dang hmang apiang te hi in hmu Mizo lo riau a ni zawk lo maw le? Min mikhual chei zawk a ni lawm ni? Ka duhthusam chuan O/B meeting an neih hmasak berah ZO INPUI aiah MIZO INPUI tiin thlak sela, kan khawpui Aizawl ngei ah hian Zohnahthlak zawng zawng te lenna tur MIZO INPUI hi nghet leh tlo em em turin sa ngei ila ka van ti tak em! Chutilo chuan tute emaw kan ti huai sual palh anga, Mizo tih hi a Gramatically paw’n a dik love, ZOMI iti zawk ang u tiin rawtna a awm palh ang e. Ka hriat sual loh chuan CHIN tih hi hnam dang in min kohna, hmuhsitna tawngkam, kan aia hnam lian zawkte min kohna ni maiah ka ngai a.

Chutiang bawkin KUKI hi kan thlang kawrvai ho min kohna tawngkam atanga lak chhuah ni in ka hriat avangin Zohnahthlâk nomenclature-a pawm theih chi niin ka hre lova. Vawiin nia Duhlian tawng hmangho in intih Mizo bik riauna hian mi tam tak a hnawt tiau a ni zawk mai em? Mizo Inpui luahlumtute hian puan in zauh tum lo hian in inthlung hranga, thliarkar RILRU puin fir em ema khawsain, in unaute hnam dang kara rethei bak berha awmte in Well-Come miahlo a ni zawk lo maw ? Zawhna chhantur tam tak neiin, insiamthar/Intuaitharna tur tam tak in nei a ni zawk mai em? Inpui ber dinta pawh ni ula, in vawklallen ngaia in len reng a, in mind set inthlak si loh chuan duh ila duh suh ila, lohtheih loha KUKI puanzar hnuaia mittui parawl teuh chunga kan luh mai a va’n awl awm em ? Inngaihtuah harh a hun hle lo maw?

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E