Zawlbuk Tawp Dan
Kum 200 dawn lai tangkai leh buvang lian tak neia ding Zawlbuk chu hun inher danglam zel leh num inthlakthrng chho zel avang te, nitin sikul leh kristianna avang tein kum 1925 bawr velah chuan Zoram pumah tawp lam a lo pan ta a. Mahse Mizote tan neih zel thaa a hriat avangin Mizoram Bawhsap NE Parry (1924-1928) chuan khaw tinah Zawlbuk sa leh turin kum 1926 khan thupek a chhuah a. Khaw tam tak chuan an han sa leh sap sap hram na a, tun hma angin tlangvalin an luah lem thei chuang meuh lo a.
Mizoram Bawrhsap G McCall (1935-1945) chuan Zawlbuk tun din leh chungchanga mipui ngaihdan hre turin vantlang inkhawm 1 Jan 1938 khan Aizawl Thakthing vengah a ko va, an sawiho ta a. Mipuite chuan zirna leh Kristianna nen inmil tawk lova an hriat thute an sawi a. Tichuan Bawrhsap chuan thu tlukna siamin Zawlbuk tun din thar leh tumna chu a titawp ta a ni. He tih hun lai vel hian Zawlbuk chu khaw thenkhatah a ding awm nual mah se, tlangvalten an luah lum tawh lova, tun hma anga Mizo khawtlanga huvang lian tak a neih ang chi pawh kha kengkawh zui zel tawh bawk lo a ni.
Thulakna: B.Lalthangliana , Pi Pu Zunleng ( @ Lawrkhawm)
