YMA General Conference 2010

20/10/2010 23:33

 

Ni 20/10/2010 (Wed) Leitlangpui Run: Rorel inkhawm hi Pu Lal Chungnunga, President, Central YMA-in a kaihruai a, hunserh hmang turin Rev. R.Lalbiakliana, FOD, BCM a sawm a, Pathian thu Jeremia 1:10 chhiarin leh Pathian hnena tawngtainain rorel inkhawm hi a hlan a ni. Rorel  Palai kalte chu hetiangin- Central YMA Office Bearers- 6, CEC Member- 19, Central YMA O.B hlui - 6, Sub Headquarters YMA - 283, Group YMA -  388, Aizawl khawpui chhung Branch - 399, Central YMA-in Direct-a a awp - 1 an zavaiin Palai 1097 an ni.

YMA General Conference 2009 leh vawiin inkara YMA Member chatuan ram pan ta mi 471 heng zingah hian Vice President Pu C. Zoramliana chu telin sunna hun Pu Vanlalrema Rokhum, CEC-in a hmang a, Minute 1 (Minute khat) ngawi reng ding anmahni hriatreng nan leh sunna hun  hman a ni. Tin, member chatuan ram pan tate sun nan Tuikual South Branch YMA Zaipawlin ‘Ram eng mawi’ tih hla thiam tak leh lungkuai takin an rem a ni.

Rorel Inkhawm hi tluang takin neih a ni a. Pu K. Sapdanga, CEC-in hun tawp tawngtaina hmangin rorel Inkhawm hi dar 3:55 pm-ah tin a ni.

Rorel Inkhawm neih hlan hian Saikuti Hall-ah Variety Programme hlimawm tak hman a ni a, Variety Programme hi Pu H. Lalruatliana, CEC in kaihhruaiin Pu V. Lawmzuala, Sertlangpui Group chuan Hunserh a hmang thung. He programme ah hian Malzai, Zaipawl thahnem tak bakah Kumpuan thupui hmanga Short Play -Khatla 'S' Branch te entir, Cultural Item - Cultural Troupe, Sub-Hqrs, Lunglei, Fiamthu - C. Lalduhawma, Durtlang branch te bakah Hawaiin Guiter Solo, K. Lalroseia, Hunthar Branch leh Mizo Fashion Show, Lucy Sailo & Party te entir chuan mipui lawm a hlawh hle. Tin, he hunah hian Thusawi (15mins) vawi 3  awmin Career Guidance-Pu R.L. Rinawma, IRS, Food Adulteration-Pu Lalsawma Pachuau, Drugs Controller leh AIDS Awareness-Dr. Eric Zomawia, Director MSACS te ngaihthlak a ni a, a hlawkthlak hle a ni.

Palai Kal Zat:

Vawin ni 20/10/10 dar 4:06 pm  a report kan dawn danin Branch 350 thleng tawh in Khawmpui palai hi  3216 an ni tawh a ni.

Conference palai naupang ber C. Zoremmawia Kum 11 S/o Zoramliana Tuikual ‘N’ Branch a ni. Conference palai upa ber Pu C.Thanmawia, Kum 89, Khatla Branch a ni.

 

 

YMA GENERAL CONFERENCE

VAWI 65-NA

 

A hun : Dt. 20th October 2010 (Nilaini) at 11:00 am

A hmun : ‘Leitlangpui Run’ Lunglei

Rorel Palai te : 1) Central YMA Office Bearers – 6

2) CEC Member – 19

3) Central YMA O.B hlui – 6

4) Sub Headquarters YMA – 283

5) Group YMA – 388

6) Aizawl khawpui chhung Branch – 399

7) Central YMA-in Direct-a a awp – 1

Grand Total – 1097

Rorel inkhawm hi Pu Lal Chungnunga, President, Central YMA-in a kaihruai a, hunserh hmang turin Rev. R.Lalbiakliana, FOD, BCM a sawm a, Pathian thu Jeremia 1:10 chhiarin leh Pathian hnena tawngtainain rorel inkhawm hi min hlan sak a.

YMA General Conference 2009 leh vawiin inkara YMA Member chatuan ram pan ta mi 471 heng zingah hian kan Vice President Pu C. Zoramliana chu telin sunna hun Pu Vanlalrema Rokhum, CEC-in a hmang a, anmahni hriatreng nan leh sun nan Minute 1 (Minute khat) ngawi rengin kan ding a, hemi zawh hian tawngtaina hun a hmang a. Tin, member chatuan ram pan tate sun nan Tuikual South Branch YMA Zaipawlin ‘Ram eng mawi’ tih hla an rem zawh hnuin palai chhiarna kan nei.

ROREL :

1. CENTRAL YMA BUDGET 2010 - 2011 :

Pu R. Lalngheta, Treasurer, Central YMA Budget 2010 - 2011 atan Rs 72,15,864/- (Cheng Nuai Sawm Sarih Pahnih Singkhat Sang nga Zariat Sawmruk leh Pali) a pharh chu sawifiah ngaite kan inzawtin kan inhrilhfiah a. Tin, Sub Headquarters YMA Mamit-in kum 2010 - 2011 atana an Budget siamthat an rawn rawt chu pawmpuiin Rs 50,000/- atangin Rs 55,000/- tih pun a ni.

Central YMA Budget 2010 - 2011 atan Rs 72,20,864/- (Cheng Nuai Sawm Sarih Pahnih Singhnih Zariat sawmruk leh pali) chu lungrual takin kan pawm.

2. YMA KHAWIH :

1.‘YMA kalphung inzirtir uar ni rawh se’ tih chu lungrual takin kan pawm.

2. ‘Kan ram thing chereu zel tur ven nan Kuang atan thingphel hmang tlem turin lehremchang dang hmang zawk turin Central YMA-in hma la rawh se’ tih chu zau takin kan sawiho a,lungrual takin kan pawm.

3. ‘Mizo hming hawha hnamdang sumdawngte titawp turin Central YMA-in hma la rawh se’ tih chu lungrual takin kan pawm.

4. ‘Reserve Bank of India phalna nei lo, a pung tam tak pek tiama mipuite sum la lut thintekhuahkhirhna dan hi khauh taka ken kawh a nih theih nan Central YMA-in hma la rawh se’ tih chu zautakin kan sawiho a, lungrual takin kan pawm.

SORKAR KHAWIH :

1.‘Mizoram Drugs Contgrol Act kan ram mil turin siam ni ve rawh se’ tih chu lungrual takin kan pawm.

2. ‘National Highway 54 hi Sorkar-in National Highway a nih angin enkawl rawh se’ tih chu zau takin kan sawiho a, lungrual takin kan pawm.

3. ‘Mizorama kawngpui hrang hrang siamtu Contractor te hnathawh danah thuk zawka inrawlh turin Sorkar ngen ni rawh se’ tih chu zau takin kan sawiho a, a thu hi siam danglamin ‘Mizorama kawngpui hrang hrangte hi tun aia tha zawka siam turin Sorkar ngen ni rawh se’ tiin kan pawm.

4. ‘Halpuah leh halmawi hi engtik hunah pawh khap chhunzawm zel turin Sorkar ngen ni rawh se’ tih chu lungrual takin kan pawm.

3. KUM 2011 YMNA GENERAL CONFERENCE THLEN DILNA :

Kum 2011 YMA General Conference thlen diltute,

1.Sub-Headquarters YMA, Kolasib - Kolasib-ah

2. Sihphir leh Sihphir Vengthar Branch - Sihphir ah

Kum 2011 YMA General Conference thlen diltu aiawh ten thlen an dil chhante an sawifiah hnuah, palaite’n ngaihdan Secret Ballot-a Vote lain, kum 2011 YMA General Conference chu Sub- Headquarters YMA, Kolasib-in Kolasib-a nghah turin kan thlang.

4. KUM 2010 - 2011 KUMPUAN CHUNGCHANG :

Kum 2010 - 2011 Kumpuan atana rawtna hrang hrang heng –

1.Khawtlang Nun Siamthat

2. Ruihhlo Do

tih te chu zau takin kan sawihova. Kumpuan atan ‘Khawtlang Nun Siamthat’ kan pawm.

5. ANNUAL REPORT 2009 - 2010 CHUNGCHANG :

Pu Lalbiakzuala, General Secretary, Central YMA hnen atanga Annual Report 2009 - 2010, Ni 19.10.2010 (Palai lawmna Inkhawm) zana kan ngaihthlak chu kan pawm.

6. FINANCE REPORT 2009 - 2010 CHUNGCHANG :

Pu J. Lalsailova, Finance Secretary, Central YMA hnen atanga Finance Report 2009 - 2010, Ni 19.10.2010 (Palai lawmna Inkhawm) zana kan ngaihthlak chu kan pawm.

Rorel Inkhawm hi tluang takin neih a ni a. Pu K. Sapdanga, CEC-in hun tawp tawngtaina hmangin rorel Inkhawm hi dar 3:55 pm-ah kan tin.

 Sd/

(LAL CHUNGNUNGA) (VANLALRUATA) (LALBIAKZUALA)

       President,               Asst.Secretary,   General Secretary,

     Central YMA.             Central YMA.      Central YMA

 

Download - YMA General Conference 2010 Rorel Minute.pdf (61,2 kB)

 

Thulakna:

Central YMA

Sub Headquarters YMA, Lunglei

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E