Thuchah / Fuihna

13/10/2010 01:30

 

Sakuh ser nghah taka kan lo nghah pawhin puitlin lamtluang i rawn zawh tan ve ta chu a ni a.Khauphar thawvena thaw veng mai mai chhuan bengtla lo mai mai nih tum suh ang che aw...

Thu chah duh che kan nei nual a,mahse ka hun a chep deuh hlek avangin tun tum atan chuan thangtharten an mamawh em em nia ka hriat ,Mizo Literature humhalh kawnga i hmalak dan tur lam ka'n chah te'ng che.

Hun inher danglam chho zelin Zonun a chhe zawng leh a tha zawnga a nghawng rual hian kan Literature pawh a nghawr dawt dawt a nih hi! Tun laiah thu belhchian dawl lo, thu satel lu tak tak chaw tak khuka khukpui an tam ta. Thu leh Hla fir (Pure Literature)-a hnawh khah lehkhabu aiin thu maksak tak tak, thu maksak tak,khawthlang nun dan tha lo tak tak ziahkawmna bu chhiar an tam ta zawk a. Mizo tawng ziah danah uluk lo tak leh pawlawh taka ziah an ching ta hle. Nang chuan maw... a hniak tam lam apiang zui a, a chhuak thar apiang tawng pawng zuan ve pawp ching lo la; Literature hi Hnam-hnuk a ni tih hre rengin, theih tawp chhuahin kan Literature hi i lo humhalh zel dawn nia.


Mizo tawng hi ngun tak leh chik takin zir la, Thu leh Hla fir tha tak phuh chhuaktu nih tum ang che. Hetianga ka sawi avang hian mi tumah i dem tur a ni lo. Hetianga ti tura ka duh chhan che hi chu tun laiah kan Thu leh Hla tihausatu ni anga lang si, tikhaw lotu zawk laka fihlima kan Thu leh Hla humhalh tlattu nihtir ka duh vang che a nia...

Literature hi a zalen a, Literature-ah hian tuma'n ramri an kham thei lo ang, eng sawkar mahin a dang-bet thei bawk nahek lo ang. He Literature-ah hian Hnam bil inthliarna a awm thei lo a,Sakhua bik a
awm thei nahek lo. Tin, Literature huangah kan tlalut ngam a nih ngat chuan tu thuziak pawh sawiselin kan bei thiang tih hi hre tlat bawk ang che.

I theih anga tamin lehkha chhiar la, lehkha ziak thin bawk ang che.Ziak mi kan tihte hi chu an awm ngei a, inzir peih apiang Ziak mi an ni. Lehkha ziah hi thil awl zawng a ni lo a, theih loh khawpa har erawh a ni lo.Thu leh Hla-ah hian li-luh ve bur(h) bur(h) la ka duh a ni.

A tawp ber atan - Nangmaha awm Thu leh Hla tha tak tak kha ziakin phawrh zel la,hetah hian rawn pho lang thin ang che. Tichuan Nang leh Kei hi khawvel phuarna atang zalenna tlang Literature Tuipuiah kan inchiah nui ri uarh uarh dawn nia....

 

Nangmah hmangaih em emtu,

Krossenga

Aizawl

Comments

Date 12/10/2010
By Zotui Thiang
Subject Kan Lawm E

Dear Pu Krossenga,

I mi rawn fuihna avangin kan lawm takzet. Ni e, Mizo tawng chungchangah hian nasa lehzuala tan kan lak a tul takzet. Mizo tawng hian pawngsual a tawk mek a nih hi...Kan thawkho zel dawn nia..

 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E