Thlipui tleh vanga thite ral dawn

28/04/2010 15:08

Kar kalta Inrinni zana Assam state-ah thlipui leh ruahpui thawk avanga thi chu mi 20 an tling tawh a, midang tam takin hliam an tuar niin Thawhtanni khan official-te chuan an sawi.

Official-te chuan Brahmaputra leh a pengte chu an la len chhunzawm avangin state chhung hmun hrang hrangah tuilian vangin harsatna an la tawh chhunzawm reng niin an sawi bawk.

Assam sorkar chuan thlipui tleh vanga thi chhungte chu Rs nuai khat theuha a ral tur thu a sawi. Thlipui tleh vang hian district hrang hrangah mi 20 an thi a, mi 50 chuangin hliam tuarin chenna in sang tel a chhe bawk a ni.

State Chief Minister Tarun Gogoi chuan district DC-te chu thlipui tuarte ralna tur hi pe nghal turin a hriattir a, thlipui tlehna hmunahte chuan chhawmdawl hna thawk tur tir turin a hrilh bawk.

Nimin khan Sikkim official-te chuan an state khawpui, Gangtok-ah thla na tak, ruahtui pai a tleh niin an sawi a, hei hian khawpui chhung power supply pawh a khawihbuai niin an sawi. Thlipui tleh vanga thingkung tlu chuan electric hruite a delh chhiat avangin nimin khan Gangtok khawpui hmun tam tak chuan eng an nei lo a ni.

Thulakna: Vanglaini

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E