Thla 6 chhungin HIV positive 632

22/07/2010 21:40

Kumin January leh June inkar (thla 6) chhungin Mizoram-ah HIV/AIDS kai leh kai loh mi17,888 te thisen test atangin HIV positive 632 hmuhchhuah an ni a. Thisen test atanga chhutin za zelah 3.45 a ni. Mizoram-a HIV/AIDS kai chhinchhiah tan kum, 1990 October atangin mi 4,721-in HIV positive kaiin, heng zinga 171 an thi tawh.

June thla liam ta khan Mizoram pumah mi  3,277 thisen test a ni a, mi 113 in HIV positive an kai tih hmuhchhuah a ni a, thisen test atanga za zela chhutin 3.45-in HIV positive an kai a ni. He natna kai hmuhchhuah thar zingah hian hmeichhiat mipat atanga kai 76 awmin, heng zinga a tam zawk 41 te chu mipa an ni. May (2010) khan HIV positive kai thar 67 awmin, Sex vanga HIV positive kai hi June thla-ah 9 in an pung.

 

Mizoram State AIDS Control Society-in a chhinchhiah dan chuan kumin chhunga thisen test result hriat tawhah January thla khan mi 2,000-te thisen test atangin HIV positive 80 hmuhchhuah a ni a, 2010 January leh June inkara thlatin thisen test result khaikhinin a percentage (4%) a la sang ber. Thla liam taah khan he natna kai mipa 70 leh hmeichhia 43 hmuhchhuah thar an ni.

Ruihhlo-a inchiu atanga HIV positive kai hi June thla khan mi 32 an awm bawk a, heng zingah hian hmeichhia 6 telin, May thlaa drugs avanga he natna kai 1 chauh an awm laiin June-ah chuan 5 in an pung a ni. Nu in a faa a kaichhawn avanga HIV positive kai nausen 2 an awm a, mipa ve ve niin, kai chhan hriat loh mipa 2 leh hmeichhia 1 an awm bawk.

Kumin kum chanve kalta chhung khan hmeichhiat mipat atanga HIV positive kai mi 432 hmuhchhuah an ni tawh a, 1990 atangin a pumpuiah 2977 an tling tawh. Ruihhlo-a inchiu atanga kai hi kuminah 174 awmin, nu-in a faa a kai 13, engtia an kai nge hriat loh 13 bawk an awm tawh a ni.

HIV positive atanga AIDS-a lut nghet tawh hi 1990 October atanga May, 2010 thlengin mi 462 awm tawhin, heng zinga 171 (mipa 99 leh hmeichhia 72) an thi tawh a, thla liam taah khan he natna thihpui an awm lo.

October, 1990 atanga June, 2010 chhunga HIV positive hmuhchhuah tawh zinga a tam ber 1,917 te chu kum 25-34 inkar an ni a, kum 35-49 inkarin dawtin mi 1,275 an awm a, kum 15-24 inkar 1,211 awmin, kum 50 chunglam 132 leh kum 14 hnuailam 185 an awm. Thisen test tawh zawng zawng atanga chhutin HIV positive hi za zelah 4.20 an tling tawh a ni.

 --------------------

 Thlatina thisen test leh HIV hmuh zat

 Month/2010   Thisen Test    HIV+     %

January           2,000             80         4
February         3,078              91        2.96
March             3,346             121       3.65
April               3,281             126        3.84
May               2,906              101       3.47
June              3,277             113        3.45
Total             17,888            632        3.53

Overall           1,12,438         4,721     4.20

 

(source : msacs) @ The Zozam Times

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E