THASIAMA SENO NEIHNA

22/04/2010 23:11

Thasiama hi lasi zawl nia sawi a ni a, lasi ten sa ah mal an sawm a, a hmuingil hle niin an sawi. He lai hmun ah hian a sepuiin no a nei a, he lai hmun a kham chhengchhe em em a, helai tlang chhip hi han en mai chuan engtinmah sepui lawn theihna tur niin a hriat loh a, chuvang tak chuan a sepuiin tlangchhip a no a nei hian mak tih a hlawhzual a ni. Tan kham chhip pakhatah a awm a ni. Tunah chuan tlawhtute tan awlsam zawkna a nih theihnan vawnchhan tha tak leh kawng mumal zawk siam a ni tawh a ni.

 

Thulakna: http://amuana.com/?p=18

 

Hei pawh hi i chhiar duh ngei ang : -

 

INTACH-in an hmalakna puangzar Thasiama se no neihna tihdanglam pawi ti: Vanglaini

Indian National Trust for Art and Culture Heritage (INTACH) chuan nimin khan Aizawl Press Club-ah thuthar lakhawmtute kâwmin, an hmalaknate leh an hlawhtlinnate an puang a; an Covener, P Rohmingthanga chuan, Thasiama se no neihna khawih danglam a ni chu pawi a tih thu a sawi.

Zawhna chhangin, Rohmingthanga chuan, "Thasiama se no neihna khawih danglam a ni hi pawi kan ti. A nih ang angin awm zel ta zawk se kan ti a; hmun danga thil hlui hlu tak takte pawh khawih danglam lo ni se kan ti," a ti.

Art & Culture Director hlui, C Laitanga pawhin, Thasiama se no neihna chhîpa lungphun chu Farkawn AO hmalaknaa siam a nih thu leh, Art & Culture atangin dodalna a awm thu a sawi a, "Siamthat leh tura ngaih a ni a, INTACH-in theihtawpin hma a la dawn," a ti a, a chung záwla cement zut chu lei thîl tla ral zel nan a tul thu a sawi.

INTACH Mizoram Chapter hotute chuan, an din tirh atangin Art & Culture nen tanghoin heritage thil leh hmunhma 55 vel an chhinchhiah tawh thu leh, hmun hlui venhimna dan Mizorama hman a nih hnuah hmun hlun leh lungphun 47 chu Mizoram sorkarin 'protected monument'-ah December 28, 2008 khan a puang tih an sawi.

Herbert Lewin (Thangliana) lim pawh A&C nen tangkawpin Tlabungah an siam thu te; Fiara Tui awmna pawh Suervey Map of India 1891 behchhana an puan tawh thu te; Heritage Restoration Project hnuaiah British hunlaia sak - Sialsuk, Thiak, Paikhai leh Bûng Inspection Bungalow-te chei that an tum thu te; Aizawl DC office sak that tum pawh an hmalakna avangin thulh a nih thu te; Mizo thil hlui hluihlawn tawh eng emaw zat chu vawn that an tum thute lehMizo puan chi hrang hrang leh thil siam chhuah thinte pawh Intellectual Property Rights hnuaiah 'patent' neih ve ngei tul an tih thute an sawi.

Mizote thil hlui leh humhalh ngaite humhalh leh chawi lâr nan Heritage Conservation Act neih ve tul INTACH chuan an ti a, A&C hriatpuinain 'Mizoram Heritage Conservation Bill' an duang a, chu chu Law Commission-in an endik mek a, Assembly House-ah put luh thuai a nih an beisei. .

Hetih lai hian, INTACH chuan, Assam Rifles Quarters Guard kawta laipui pahnih awm thin chu kum 2003-a 1st AR te'n Aizawl an chhuahsan atangin an bo a, hmuh lêt leh tuma theihtawp an chhuah hnuah, 1st AR-te awmna, Tuensang, Nagaland-ah an hmuhchhuah thu an sawi a, "AR ta ni loin, Mizote ta a ni a; Aizawla lâk kîr leh tumin AR Director General leh Union Home Ministry dawr mek a ni a, Mizoram Chief Minister pawhin lehkha thawnin min tanpui a ni," an ti.

INTACH hian kum 2010 thupui atan 'Global warming and climate change' an hmang a, an thupui hmang hian March 30 khan seminar an buatsaih tih an sawi. INTACH hi kum 1984 khan New Delhi-ah din niin, hemi kum hian Mizoram Chapter pawh a piang ve nghal a; an tum ber chu ram, khua, in, lungphun, hnam zia, hnam lâm leh zai, serh leh sâng, leh hnam thil hlu chi hrang hrang venhim leh a hlutzia mipuite zirtir a ni. UNESCO thuchhuak angin, April 18, Pathianni kha World Heritage Day a ni.

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E