THAILAND PM-IN RED SHIRTS NGENNA HNAWL

25/04/2010 11:11

Thai eptu pawl lam – Red Shirts-ho chuan ni 30 chhunga President kaihhruai Democratic Party  hi ram awptu a nihna ata a inthiar fihlim turin zirtawpni kal ta (23.4.10) khan an ngen a.Chutianga tih a nih chuan Bankok khaw laili an luah tlatna atang an kalsawn tur thu an sawi bawk a ni.

Nimahsela, he an ngenna hi Thailand President Abhisit Vejjajiva-a’n Inrinni khan a hnawl a,President chuan Television atang thu sawiin, a rum zawng leh buai zawnga Red Shirts-ho an chet avangin inbiakemna neih a nih loh tur thu a sawi.Tin, hetiang ngenna hi Thailand mipui zawng zawng hnen atanga ngen tur a ni a, Red Shirts-ho chauh tihtur a ni lo, a ti bawk.

Red Shirts-ho hian hetianga President-in an ngenna a hnawl tak avang hian , sorkar ding lai nen hian inbiakremna an neih leh ngai tawh loh tur thu leh Bankok khaw laili luaha an nawrhna te hi an chhunzaw zel tur thu an sawi.Red Shirts-ho hi kum 2006 a sipai chakna hmanga paihthlak tak, an ram PM hlui Thaksin Sinawatra lam tang an ni a,tuna President hi hi dan dik lo taka President nihna luahtu a ni an ti a, inthlanna buaisaih that an ngiat tlat a ni.

Chawlhkar 6 chuang zet Bankok ni tin khawsak leh ilo buai avang hian dawr lian leh pawimawh, hmun pawimawh tak tak khar a ni a, Tourists tam takin Thailand an tlawh loh phah bawk a ni.Hei avang hian cheng maktaduai tam tak Thailand chuan a hloh a ni.Hetiang a nih avang hian Bangkok khawchhung buai ningho – sumdawng mite leh khawchhung mi thenkhatte chuan Red Shirts-ho Bankok atanga chhuak turin sorkar an puibawm ve bawk a ni.

Thulakna: VOA , Al Jazeera

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E