Serchhip-ah Mizo Tlawmngaihna chungchang sawihona neih a ni

20/08/2010 17:23

Vawiin khan Serchhip Hmar Veng YMA Hall ah Serchhip khawpui chhunga YMA, MUP, MHIP leh mi thahnem ngai kalkhawm ten tunlai Mizo tlawmngaihna chungchang sawihona an nei.

He sawihona Serchhip District Academy of Letters (SEDAL) te buatsaihah hian Serchhip-a tlawmngai pawl aiawh mi thahnem tak an kalkhawm a. Thlan laih leh tunlai Mizo nun tih chungchang sawihona neihah kalkhawm te zinga thenkhat chuan tunlai kan Mizo inrelbawl danah mahni hnaah mitin kan buai tawh em em mai a, chuvang chuan man chawia thlan laih/ thlan lai tura hlawhfa rawih mai pawh pawi an tih tawh loh thu an sawi a. Tin thlanlaih hi zingkar a tih mai a tha an tih tawh thu an sawi bawk. Tin thenkhat dang chuan thlan laih a hlawhfa rawih hi Mizo Culture hnualsuatna anih thu sawiin tuna kan kaldan pangngai ang hian kum tam tak chhung chu kan la kal theih an rin thu an sawi bawk. Heng bakah hian sawi hotu tam zawk chuan tunlai kan thlan laihdan chungchang hi kan kalphung pangngai thlak hi harsa an la tih thu an sawi a, chutih rual chuan thangtharteah kan Mizo nunzia chhawm nung zel tura inzirtirna kan neih nasat hle a tul tih an sawi.

Mitthi pangpar pek, puan leh inralna chungchang an sawihonaah sawitu thenkhat te chuan Mitthi pangpar leh puan inpek thin hi tuna kan kalphung pangngai ai hian uar lo deuh tura inzirtir nise, hei ai hian mitthi chhungte pawisa pek hi inzirtir uar zawk nise an duh thu an sawi a. Khawhar in kan inlenpui rei lutuk thin hi khawhar chhungte tan phurrit a thlen theih avangin a awm tawk hriat nise tin YMA in a zan lama khawhar in kan inlenpui thin hi kan rei lutuk thin a hei hian khawhar chhungteah harsatna a siam thin niin an sawi bawk.

He sawihona hun hmannaah hian mi thahnem takin tunlai kan Mizo tlawmngaihna leh chhiatni thatni a kan inrelbawl dan chungchangah an ngaihdan leh rawtna te an tarlang bawk. He sawihona programme hi Art & Culture Dept. Mizoram in an sponsored a ni a. He hunah hian chhiatni a Mizo tlawmngaihna harng hrang thlan laih, kuang atan thingphek hman, mitthi pangpar, mitthi puan inpek leh inralna, thlanmual chungchang ah kalkhawm ten hmanlai atanga kan Mizo khawtlang inkaihhruaina tawh nen kalkhawm ten tunlai kan Mizo nunzia nena inmil zawnga her rem leh siamthat chungchang an sawiho a ni.

Thulakna: Serchhip Time Daily

 

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E