SAVE GREEN MIZORAM

21/07/2010 16:08

Aw ka Lalpa....leh ka Pathian
I thil tihte....a va tam em!
I finna a....i siam a ni
Leilung zawng hi....i hausakna
A khat liam e....chhiar sen rual loh
Nimahsela....

Fossil fuel leh....natural gas
Rangkachak,lunghlu....an turu e
Lei chung lei hnuai....hai chhuah sen loh
Thing leh maurua....chakkhai tinreng
Heng tui luang nen....kan hmang seng lo
Nimahsela....

Finna thang zel....a sang ngei e
Mathematics....chawh dik sen loh
Science huang lah....a puang thar zel
Internet-te....an chelek e
Computer lah....an ngah tawk si
Nimahsela....

Globalization....information
Technology....E-mail,T.V.
MP3 leh....MP4-te
G.S.M. phone....hmasawnna nen
Kan thang sangin....kan changkang e
Nimahsela....

A lum mang e....eng tizia nge?
Mathane,Carbon....hnuchhawn hma chuan
Greenhouse effect....min hnektlu dawn
A lawn chho zel....boruak sangah
Bike,khawl,motor....kan chhawr tlat si

Van mawng pawp chu....eng tizia nge?
C.F.C. hmang....kan thang zel si
Vurkhawl,air-con....kan hmachhawna
"Yehmui" rimtui....thosi kahna
Sit chhuah ber hi....a pawi kher mai

Sik tui dawn chak....eng tizia nge?
Tlan tur tui thiang....a vang tan e
Vur ram vur tlang....a luang ral dawn
Lei hnuai tui lam....a kam bawk si
Hman sen lohva....kan ngaih thin kha

Cyclone thlipui....Isunami-te
Nargis thlichhia....a na ngei e
Thlafam chang leh....in,lo chante
Anchhe dang nge....van kan duai le?
Luaithli nul-a....vahvaih tak chu!

Natna hri leng....a tam seng e
AIDS....berek nei lo
B leh C te'n...."thin" phen chuhin
Chen hmun an rem....an sem cancer
"SARS" awmtawt leh....taifawt,malaria

Aw le keini....hringfa leng zawng
Kan nuphung leh....kan "life-style" te
Thlak chung zelin....kan chuan hmabak
Tan lak a hun....thing phun talin
Tlang tin dum dur....a lo vul nan

Thulakna: Zawlkin Huiva Magazing , 2008

               Published by Mizo Student Fellowship , Kalay

Comments

No comments found.
 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E