R.Vanlawma Mizote Thinlungah A Lo Lang Thar Leh Thin

04/09/2010 01:10

“Ber” thla a rawn det tawh hi chuan Mizo Nationalist ropui leh ziaktu ropui Pu R.Vanlawma , Zalen Cabin rilru-ah a lo lang thar leh thin.

R.Vanlawma,Zalen Cabin hi Mizo zingah chuan hre lo a awm theih loh. Lehkhaziakmi a ni a, Freelance Writer Award dawng a, Padma Shri hial dawng phak a ni a.Mizo Political Party hmasa ber leh Mizorama mipui thlan sawrkar rawn din chhuaktu Mizo Union sawi tawh phawt chuan R.Vanlawma hi hriat chhuah tel a ni zel.

 

September thla a lo herchhuak a, a thih champha a lo thleng leh dawn. Mizote hian amah hriatreng nan enge tih theih kan neih ve le? ....Ed. of Zotui Thiang

 

 

Pu R.Vanlawma chanchin chhiar duh tan – Misual Dot Kom –a a chanchin an ziak kan rawn tarlang e.

Pu R. Vanlawma hi kum 1915 January ni 10 khan Maubuang khuah a lo piang a. Suaka Ralte Lehchhun leh Dengthuami fate pali zinga pathumna a ni a, an unau indawt dan chu hetiang hi a ni.

1. Vanthangpuii (L)
2. Vanhnuni (L)
3. R.Vanlawma (L)
4. Lalbiaki (L)
Pu R. Vanlawma hian fa pasarih – mipa pali leh hmeichhia pathum a hring a, chung te chu –

1. Zotinkhumi W/o Rualchhina Vangchhia, USA, Washington DC
2. Lalzuia (L)
3. R. Zothansanga W/o Lallughnemi Dawrpui
4. Zothangliana h/o Lalthlamuani, Sakawrtuichhun
5. Zohmingthangi, Upper Republic
6. Zoramduhsanga h/o Zuithang, Upper Republic
7. Zoramengi, Upper Republic
Tu 21 a nei.

Kum 1925 khan Maubuangah Lower Primary a zo a, 1927-ah Sialsuk atangin Upper Primary a zo leh a, kum 1929-ah Aizawl Sikulpui atangin Middle a pass a, thiam theih avangin pƒwl te pawh a bawh kƒn a ni. Heng hnua kum hnih khat vel fur hlo a han thlo chu kawng kham leh thosi seh hreawm ti hman hlei a insawi. A pa chuan Pu Mena a bia a, ani chuan, “Teacher Training Sikul-ah kum khat han zir phawt se, Bible te pawh an zir tel a, Cherra-ah te pawh la zir zel sela,” tiin a lo rawn a. Kum a lo vei chuan Cherra-a Mizo naupang an tirh thin kha titawp a lo tul ta si a, Pathian thu chu a zir ta lo a ni.

Kum 1939-ah First Division-ah Matric a pass a,Zoramah lo hawin Bawrsap Office-ah Circle Staff hna a thawk nghal a. Mahs Bawrhsap McCall-a nen khan an inhrawn rei lo. Sorkarin a hna thawk tura vai a la thin kha an duh lova, “Young Mizo Employee Association” indinin Mizo ngei la thin turin sawrkar an nawr a. Chutah McCall-a thinrim chuan Pu Vanlawma Association Secretary chu a hna atang chuan a ban ta a. A hmun ruak pawh chu dil hauh lo turin Mizo ho an infuih a, Pu Vankhama te lai lai khan thahnem an ngai hle.

Kum 1953-ah Vawmmanthangi nen Maubuangah an in nei a, a nupui hian March ni 4, 1982 khan an chenna in ‘Zalen Cabin’ ngeiah hian a lo thihsan tawh a ni.

Pu Vanlawma te hian Indopui avanga YLA thawm dai tawh kha an chawi nung leh a, President tan pawh Mizo ngei tPhlan an rawt a. 199\44 khan Pastor Chhuahkhama an thlang tling ta a. YLA chu Political Party-a leh mai te an rawt thut thut thin. Mahse a rem loh avangin Bawrsap Macdonald-a hnenah party din chu an dil ta ngawt a. 1946 April ni 9-a Pu Vanlawma dilna a theh luh rual rualin phalsak an ni ta a ni.

An Party thar din chu a tirah chuan, ‘Lushai Commoners Union’ an vuah a; lalho tel lova hnamchawm inhlawm khawm ngawt chu a fel lohna a lan thuai avangin rei lo teah “Mizo Union” an ti ta zawk a. An Party Conference hmasa ber 1946 April ni 25, Aizawl Sikulpuia neihah chuan Adhoc Office Bearers tur an han ruat a, Pu R.Vanlawma chu General Secretary a ni. Mi pawh an hip kher mai. Pu Hrangaia khan, “Mizoram khua zawng zawngah hian Pu Vanlawma hming hre lo fa an awm angem aw”, a ti a. Mizo Union General Assembly hmasa ber, 1946 September ni 24-a an thu rel pakhat, “Mizo Union hi kawng engkima Mizo aiawhtu kan ni a, kan duh dan lo chuan Mizoramah engmah a awm tur a ni lo”, an tih erawh kha chu Bawrhsap khan a ngai thei ta lo a ni”, an tih erawh kha chu Bawrhsap khan a ngaithei ta lo a ni.Heng hunlai chuan Pu Vanlawma chu Mizoram pa lƒr ber a ni awm e, “PuVanlawma thlalak lei duh in awm chuan lei tur a awm reng e,” tia tlangau lauh lauh te pawh an awm thin.Amaherawh chu, Mizo Union lah Bawrsap insut chhoh zelnaah khan Party chak pui kha a buarchuar ta deuh va. Rei vak lovah PuVanlawma pawh chuan pawl lian zawk hrulah ‘Mizo Union Right Wing’ hming puin ‘Mizoram Independent’ thu te a sawi zui zel a, eng emaw chen chu a thawk a han dai deuh a.

Kum 1959 December thla khan Pu Laldenga teho ne Mizo Cultural Society an din leh a. Mautam tam denchhenin an pawl chu 1960 kha ‘Mizo National Famine Front’ tiin a hming an thlak a. Politics rilru pua ti an nih avangin mi an hip ta hle tihah 1961 October ni 28 khan ‘Mizo National Front (MNF) ah a inlet ta a. Hetah pawh hian Pu Vanlawma chu General Secretary hmasa ber a ni leh.

Heng lai hian Press a lei a, an Party thil tum ‘Independence’ sawi darh nan ‘Zalenna’ chanchinbu a chhuah a, a tang nasa hle. Mahse rei an beih ho hmain 1962 khan Mizo National Council a din a, a hnu fe 1976 khan Mizo Democratic Front (MDF) dintute zingah a tel leh a. India leh MNF inbiak tirh lam 1979 June thla khan Steering Committee dintute zingah a tel bawk. Pu Vanlawma hi a tir atanga Politic vei mi leh bei nasa mi ni mahse rorelna fung erawh chu a vuan ngai lo.

Thuziak lamah erawh chuan Mizo zinga thusawitu lian a tling a ni. Kum 1940 atanga a thih thlengin kum 60 zet chhung hian chanchinbuah thu a ziak nasa em em a, Zoram mipuite riruah ani aia thu sawitu lian hi an awm chuang awm love. Zofate zingah Article ziak hnem ber a ni hial ang. Lehkhabu pali lai a ziak a, chung te chu –

1. Ka ram leh kei (My Country and I)’
2. Israel-te chanchin
3. Awithangpa chanchin
4. Khawvel lehlam
5. Veronika-i
6. Ka ram leh kei II ( la chhuah loh)

Chawimawina a dawn tawh te

1) Mizo Writers Association-in ” Freelance Writer Award” 1994 July 1-1h an pe ( Pawisa fai 10.000/- a tel.

2) Lunglei District Welfare Committee in ni 19 Aug 94-ah chawimawina Special an pe.(Mi dangin an la dawng lova, pawisa fai Rs. 10.000 /- a tel.)

3) Padma Shree 1998-ah
Pu Vanlawma hian Mizoramah dinhmun pawimawh tak a lo chelh tawh thin a. Mizo Academy of Letters hruaitu hlun a ni. Kum 2001 atanga tun thlengin Mizo Students Union, General Head Quarters chua n amah vuina hunserh an hmang theuh dawn.

A hun hnuhnung
April 1, 2006-ah Doctor hnenah hruaiin entir a ni a, a chuapah thildum hmuh a ni a, Cancer ni ngeia rin ni mahse, chhungkua inrawn khawm a nih hnuah tha an tih tlan angin in lamah an inenkawl ta a.

Zawi zawiin a chau hret hret a, July 2006 atang chuan a pawnchhuak ta meuh lova, July ni 25 atang phei chuan a hriatna a mang zo ta a ni ber.

August ni 5 atangin a buai zual ta hle a, chhungkhat lainaten chhun zan zawma an bawisawm a tul ta a. August ni 8-ah chuan a thih mai hlauhthawnawm khawpin chau a, mahse August ni 9 zing lamah chuan beisei aiin a kang leh deuh a. A hmui a phun a, tawng erawh atawng chhuak zolova. A thiante a hriain a hmu thei a, a nuih thei bawk.

August ni 21, 2006 tlai dar 6:00 ah Aizawl Civil Hospital Cabin VIP No-2 ah dah a ni a, Doctor-te leh Nurse -ten theihtawp chhuaha an enkawl laiin September ni 18,2006 (thawhtanni) tlai dar 5:30 ah mual min liamsan ta a ni.

Pu R.Vanlawma’n min dam chhuah pui zo tawh dawn lova a lan tak hnu hian Maubuang khaw mipuite chuan a ruang hi Aizawl-ah a vuina hunserh tih zawh vek hnuin Maubuangah lak phei nise. A kuang chu darthlalanga khuh a, a hmel lang theia siamin; a mah ngainatu Sateek tlangdung miten an hmuh turin khaw tinah dinpui nise. Maubuang kohhran hall-ah thalaiten tlaivarpuia, a thlan thuk tak laih a; khaukhurh thlan ngeia phum an duh a. Chubakah an theih tawpa thaa a lung phum an duh a. He an duhsakna leh chawimawi an duh na hi a zahawmin lawmawm hle mahse, chhungkua an inrawn khawm hnuah Republic thlanmuala phum an ti tlu ta a ni.

 

Comments

Date 27/03/2015
By Mapuia Hnamte
Subject R Vanlawma seng luhtura thlan a ni.

R Vanlawma chu Mizo Hlakungpui Muala seng luh tur mi 3 zingah a tel. Kum 2016 April ni 7 hian Hlakungpui Muala thu leh hlaa chawimawi phute seng luh lehna hunah thlan chhuah a ni.

 

Contact

Search site

 

 

NGAIHDAN

THU KAM HNIH KHAT


ShoutMix chat widget

 

TLAWHTUTE


counter globe

 

MIZO LEH ENGLISH THUFIAHNA

Freelang Dictionary
MIZO => ENGLISH :
ENGLISH => MIZO :

Whole word

 

ZOTUI THIANG WEBSITE

http://zotuithiang.webnode.com

 

ZOTUI THIANG GROUP(MAIL)

Google Groups
Subscribe to Zotui Thiang Group
Email:

 

ENG WEBSITE ATANGIN NGE HETAH?

 

MizoMizo Kan Nih Kan Lawm E